The Definitive Guide to Living in the Capital , Cairo , Egypt

سواء كنت أب بتدور لأولادك على مكان تثق فيه يطلعوا من خلاله رحلات لأماكن مختلفة داخل القاهرة أو خارجها، أو كنت أخ كبير نفسك تفرح أخواتك الصغيرين.. فأكيد “مغامرات” هي أفضل اختيار بيوفر مجموعة رحلات مميزة للأطفال.. التفاصيل في السطور الجاية.

مغامرات شركة مصرية مقرها في مصر الجديدة، متخصصة في تنظيم رحلات للأطفال في أماكن مختلفة في مصر، ووظيفة الرحلات دي مش بس الترفيه، الشركة بتطبق طريقة علمية في كل رحلاتها علشان تزود ثقة الأطفال في نفسهم، وتعلمهم قيم مهمة زي التعاون واحترام الكبير والاعتماد على النفس.

لما بتحجز لأطفالك في رحلة ضمن رحلات مغامرات بتروح تسلمهم الأطفال في مقر الشركة، وهما بيتولوا مسئوليتهم طول اليوم لحد ما تيجي تستلمهم في ميعاد نهاية الرحلة من أمام مقر الشركة، من خلال موظفين مؤهلين عارفين كويس إزاي يتعاملوا مع الأطفال ويخرجوا أجمل ما فيهم.

جربنا مغامرات أكتر من مرة، سواء في رحلة لقرية فاجنون على أطراف الجيزة، أو وادي الريان في الفيوم، أو حتى وادي دجلة في المعادي. ونقدر نقول أن تجربتنا معاهم كانت إيجابية بدرجة كبيرة.

أولًا الموظفين هايلين، وفاهمين يعني إيه نفسية طفل، وعارفين يتعاملوا بصبر مع الأطفال، ثانيًا أسعار الرحلات مناسبة جدًا، وبيقدموا تخفيضات للدفع المبكر، ثالثًا الأتوبيسات اللي بينقلوا فيها الأطفال للرحلات مريحة جدًا.

الموظفين بيهتموا جدًا بأي ملاحظات طبية بتقولها لهم بخصوص أطفالك، يعني لو عندهم أمراض معينة، أو بياخدوا علاج في أوقات معينة من اليوم، يعني أي ملاحظات بتقولها لهم بيهتموا بيها جدًا وده هيخليك مطمن على أطفالك بدرجة كبيرة.

مغامرات بتعمل كمان برنامج اسمه “مغامرات أكاديمي” عبارة عن رحلات لها أهداف تربوية، يعني الطفل بيخرج ويتفسح ويمارس أنشطة كتير وفي نفس الوقت بيزودوا فيه روح القيادة وإزاي يقدر يحل مشاكله بنفسه ويكون طفل ناجح ومتميز.

وكمان عندهم رحلات فنية الهدف منها تنمية مهارات الأطفال في الرسم والتلوين والأشغال اليدوية وغيرها من المهارات.

وفي كل رحلاتهم بيعملوا أنشطة كتير للأطفال.. يعني اليوم بيكون مليان أفكار  كتير علشان الطفل ما يزهقش.

وعندهم رحلات يوم واحد، ورحلات تانية بتبقى عبارة عن معسكرات، ودي بتكون أكتر من يوم.

تقدروا تعرفوا اكتر عن مغامرات من خلال صفحتهم على الفيسبوك هنا.

وعنوانهم هو: 18 عمارات العبور – صلاح سالم – مصر الجديدة

وتليفونهم: 01122688268