The Definitive Guide to Living in the Capital , Cairo , Egypt

الصورة الرئيسية لـ: Berthold Werner

مصر مليانة أماكن مهمة، وده طبيعي لأنها بلد التاريخ والحضارة والفن والثقافة، والعالم كله بيشهد لمصر بتميز آثارها وحضارتها، ومؤخرًا اتقدمت مصر بطلب رسمي لإضافة أديرة وادي النطرون لقائمة التراث العالمي، والأديرة دي بتعتبر واحدة من أماكن مسار العائلة المقدسة، وده هيكون الموقع الثامن اللي ممكن يضاف للقائمة قريب، لأن مصر فيها 7 أماكن مهمة موجودة بالفعل في القائمة من سنة 1979، والمواقع دي بحسب تقرير نشره موقع اليوم السابع هي: 

1- منطقة الأهرامات من الجيزة ولحد دهشور

وموجود في المنطقة دي مباني مأتميّة رائعة بقبورها الصخريّة ومصطباتها الجميلة ومعابدها وأهرامتها.

2- القاهرة الإسلامية 

والقاهرة القديمة هي واحدة من أقدم مدن العالم الإسلاميّة بجوامعها ومدارسها وحماماتها ومبانيها المختلفة، وتأسست القاهرة الإسلاميّة في القرن العاشر وأصبحت مركز العالم الإسلامي الجديد.

3- مدينة طيبة القديمة ومقبرتها 

ودي بقى كانت عاصمة مصر في عصر الإمبراطوريات الوسطى والجديدة و مدينة الإله أمون، والمدينة دي شاهدة على الحضارة المصريّة القديمة. وفيها معابد وقصور الكرنك والأقصر ومقابر وادي الملوك ووادي الملكات.

4- معالم النوبة من أبو سمبل إلى فيلة 

وبتضم المنطقة دي معبد رمسيس الثاني في أبو سمبل ودار عبادة إيزيس في جزيرة فيلة، واللي تم إنقاذهم وقت بناء سدّ أسوان بفضل حملة دوليّة أطلقتها اليونسكو سنة 1960واستمرت لحد سنة 1980.

5- مدينة أبو مينا

ودي مدينة مسيحيّة قديمة تم بنائها على قبر الشهيد الإسكندري مار مينا المتوفّي سنة 296، وفضلت محتفظة بمبانيها المهمة من كنيسة ومؤسسات عامة وشوارع وأديرة وبيوت.

6- منطقة القديسة كاترين

ودي تم إدراجها في قائمة التراث العالمي سنة 2002، وبيقع دير القديسة كاترين الأرثوذكسي عند قدم جبل حورب، المذكور في العهد القديم، وهناك حصل النبي موسى على لوحة الوصايا. والمنطقة دي مقدّسة للديانات السماويّة الثلاثة المسيحيّة والإسلام واليهوديّة. وتأسس الدير في القرن السادس، وبيعتبر الدير المسيحي الأقدم في العالم.

7- وادي الحيتان

بيقع وادي الحيتان في صحراء مصر الغربيّة وبيتضمّن بقايا أحفوريّة متحجّرة نادرة عن فصيلة الحيتان القديمة واللي انقرضت من سنين طويلة.