The Definitive Guide to Living in the Capital , Cairo , Egypt

“كلمة حلوة وكلمتين.. حلوة يا بلدي”، مين مابيحسش بالبهجة لما بيسمع صوتها؟  الفنانة الجميلة اللي أصبحت أسطورة حقيقية بسبب موهبتها الاستثنائية وقصة حياتها اللي كانت مليانة تفاصيل ملهمة ومؤلمة في نفس الوقت، بنت شبرا “يولاندا جيغليوتي” اللي عرفها العالم كله باسم “داليدا”، واللي اتولدت في 17 يناير 1933.. وبمناسبة ذكرى ميلادها اللي كانت زي النهارده من 88 سنة هنعرفكم في 7 معلومات عن بيتها اللي عاشت فيه في فرنسا، واللي اتحول لمتحف بيحلم كل عشاقها بزيارته.

1- منزل الفنانة “داليدا” موجود في 15 شارع دور شامب، في منطقة مونمارتر بالعاصمة الفرنسية باريس.

2- المنزل اللي تحول لمتحف بيتميز بوجود مساحة خضراء حواليه كانت بترعاها “داليدا” بنفسها وبتلعب رياضة فيها، وكمان موجود فيه حمام سباحة كبير.

3- أغلب الأنتيكات والبراويز وبعض تفاصيل ديكور المنزل مستوحاة من التراث المصري، وأشهر مقتنياته ساعة الحائط وتابلوه صحراء الأهرام. 

4- المنزل اللي فيه قعدة عربي مميزة بيتكون من دورين، الأول فيه مكتبة وغرفة استقبال وقاعة الاحتفالات والمطبخ، أما الطابق الثاني ففيه غرف النوم.

5- المتحف أو المنزل بيضم مقتنيات كتير لـ “داليدا” زي ملابس عروضها الفنية من الستينيات وحتى الثمانينيات، وأشهر الأزياء الخاصة بيها واللي صممها أشهر مصممي الأزياء في العالم.

6- غرفة نوم “داليدا” واخدة طابع أوروبي، وفيها خزانة ملابس خاصة بيها بتعكس شخصيتها وذوقها الشخصي.

7- تم تحويل المنزل لمتحف سنة 1996، وتم صنع تمثال مجسم بالحجم الطبيعي لها من إبداع النحات الفرنسي آلان أصلان.