The Definitive Guide to Living in the Capital , Cairo , Egypt

أول ما بتيجي سيرة الفيوم، بييجي في بالنا دايمًا محمية “وادي الحيتان”، وكل ما بتيجي سيرة محمية “وادي الحيتان” بتيجي معاها سيرة الفيوم، لكن ياترى هل جربنا مرة نسأل يعني إيه “وادي الحيتان؟” وإيه حكايته؟ وليه بقت المحمية واحدة من أفضل المزارات السياحية في الفيوم وفي مصر.. تعالوا النهارده نقولكم شوية معلومات عنه:

1- اكتشاف 10 هياكل عظمية كاملة لحيتان كانت عايشة في منطقة “وادي الحيتان” من 40 مليون سنة كان سبب كافي لتسمية المنطقة دي بالإسم ده، واللي كانت تعتبر جزء من محيط كبير في شمال إفريقيا.

2- منطقة وادي الحيتان موجودة داخل محمية “وادي الريان”  – مساحتها 1759 كيلومتر، وتم تصنيفها سنة 2005 على إنها منطقة تراث عالمي، واختارتها اليونسكو كأفضل مناطق التراث العالمي للهياكل العظمية للحيتان.

3- أول اكتشاف لحفريات في وادى الحيتان كان سنة 1903 على إيد العالم ” بيد تل” وكان عن طريق الصدفة لما كانوا بيعملوا مسح جيولوجى في مصر، وكانت أول حفرية اكتشفها لحوت معروف باسم “الباسيلوسورس إيزيس” وطوله 18 متر.

4- وادي الحيتان مش بس فيه حيتان، وده اللي أكده العلماء في دراسة اعتبرت إن وادي الحيتان موقع عالمي واستثنائي لدراسة الحياة القديمة بسبب وجود عدد كبير من الحفريات – أكثر من 400 حفرية- للهياكل العظمية للحيتان، لكن القصة ماوقفتش عند كده، تم الكشف عن حفريات لعروسة البحر وأسماك قرش وأحياء بحرية تانية في أوضاع ومواقع بتصور أسلوب حياة ونشاط الكائنات دي وتطورها عبر الزمن من حيوانات بحرية إلى حيوانات أرضية من أكثر من 40 مليون سنة.

5- مش كل حاجة ميته هناك، وده لإن وادى الحيتان يعتبر بيئة طبيعية للحيوانات المهددة بالانقراض زي الغزال الأبيض والغزال المصري وثعلب الفنك وثعلب الرمل والذئب والطيور المهاجرة النادرة، ونباتات برية نادرة.