The Definitive Guide to Living in the Capital , Cairo , Egypt

تسوق
الكتب خان – Al Kotob Khan

الكتب خان: لسه أجمل مكتبة في المعادي

  • 3/1، شارع اللاسلكي، المعادي الجديدة
  • مكتبات
reviewed by
Sarah Kamel
rate it
review it
الكتب خان: لسه أجمل مكتبة في المعادي

بعد ما فاتت 8 سنين قدرت تحافظ فيها على مكانتها كأجمد مكتبة في المعادي من حيث الأجواء الدافئة والمكان المريح، دلوقت "الكتب خان Al Kotob Khan –" عملت شغل هائل بعد ما راحت لمكان أكبر في فرع دجلة الجديد، على عكس فرعها القديم في شارع اللاسلكي، الفرع الجديد للكتب الخاب بـ يوفر مساحة كبيرة للكتب والقراء.

المكان عبارة عن فيلا دورين ببلكونة مساحتها معقولة فيها عدد من الترابيزات والكراسي. الدورين معروض فيهم كتب واصلة من الأرض لغاية السقف، مع قعدات جنب أرفف الكتب، وقت ما كنا هناك، أغلب القعدات كان عليها طلبة شافوا في الكتب خان مكان مثالي للمذاكرة.

نكرر من ثاني، الفرع ده أكبر من القديم بكثير، ومن هنا ظهرت ميزة كبيرة وهي وجود عدد أكبر ومتنوع من الكتب؛ كل حاجة من الروايات الكلاسيكية والمعاصرة، لغاية الكتب التاريخية والتعليمية، تقدر كمان تلاقي كتب بلغات مختلفة لو حبيت تطور من لغاتك.

التنوع ده يعتبر جنّة لعشاق القراءة؛ الفكرة أنك لو أول مرة تروح هناك، كمية الكتب الكبيرة دي ممكن تعمل لك شوية ارتباك.

في الدور الأول جنب مكتب الكاشير هـ تلاقي بار للفاست فوود بمنيو تشمل كل أنواع السناكس والمشروبات من القهوة، والمشروبات الغازية، والمافينز والشوكليت كيك، لغاية ساندويتشات بانيني ومقرمشات.

وزي ما بـ نشوف في كل المكتبات الحديثة، بـ يعرضوا كمان هناك أدوات مكتبية للبيع؛ حائط كامل في الدور الثاني عليه مفكرات مطبوعة ويدوية بألوان ومقاسات مختلفة.

من السهل تفهم ليه الكتب خان تعتبر مأوى عشاق الكتب؛ الأجواء المريحة والمجموعة الضخمة من الكتب المعروضة بـ تضيف لها مزايا زيادة عن باقي المكتبات الشهيرة في مصر، بس تحذير هام، هام جدًا جدًا، بعد زيارة واحدة للكتب خان، الموضوع بقى إدمان خلاص ومالكش علاج، سواء كنت عاوز تشتري كتب، تذاكر أو حتى تضرب قهوة سريعة مع أصحابك.

360 Tip

الكتب خان هـ يفتتح فرع جديد في داون تاون مول، قريبًا.

Best Bit

الأجواء المريحة.

Worst Bit

الترابيزات قريبة من بعضها.

Write your review

Leave a Reply

You must be logged in to post a comment.

recommended