The Definitive Guide to Living in the Capital , Cairo , Egypt

وسط رحلتنا للبحث عن أكلات جديدة، قدرنا نروح كل مكان، من الشوارع الصغيرة البسيطة لغاية الفنادق الخمس نجوم، الربط بين طعم الأكل اللذيذ والأسعار الغالية مش شرط فى مصر، وأحلى حاجة لما تلاقى جوهرة مدفونة فى طريقك من غير ترتيب.

كنا سمعنا إشاعات عن مطعم كورى جديد فى المعادى، المنيو بتاعته كلها فراخ مقلية، حاولنا نشوف أى معلومات أو تقييم للمطعم على الإنترنت أو بلوبيدجز، لكن فى الآخر ما وصلناش لنتيجة.

بعد مكالمات مع أصحابنا اللى حكوا لنا عنه، وصلنا تقاطع شوارع 218231، وسط منطقة فيها مطاعم صب واى، ستافولتا وتابلا لونا، احتاجنا ثلاثين دقيقة علشان نوصل "كوكيو تشيكن – Kokio Chicken"، وبصفتنا من سكان المعادى، خليك واثق أنك مستحيل هـ تلاقيه بالصدفة. مكانه بالتحديد فى ركن مهجور وراء سوبر ماركت مترو فى شارع 232.

المطعم حجمه متواضع جدًا، بحوائط لونها أخضر فستقى وديكورات معاصرة شكلها بعيد عن الطابع الكورى، وقت زيارتنا كان فيه عائلة كورية واحدة بـ تأكل هناك، وده يعتبر دائمًا شيء مريح، زى ما توقعنا، المنيو مكونة من ثلاثة أطباق رئيسية، فرخة/ نصف فرخة، تشيكن ستريبس وتشيكن وينجز، والأسعار ما بين 80: 140 جنيه على حسب فرخة كاملة أو نصفها بس. غير كده، عندهم أطباق جانبية من البطاطس، والبطاطا الحلوة والكرنب.

الصوصات الموجودة تشمل صوص حار، صويا مقلية، بصل مقلى وبصل أخضر. طلبنا 20 قطعة ستريبس (140 جنيه) و10 قطع أجنحة الصويا المقلية (80 جنيه) مع اثنين بطاطس (30 جنيه).

صحيح الأسعار شكلها غالي من أول وهلة، لكن الكميات بصراحة كانت ضخمة. الستريبس السادة كانت مقلية تمام، وكانت طرية وعُصارية من الداخل، ومقرمشة من الخارج. نفس الكلام بالنسبة لأجنحة الصويا المقلية، اللي طعمها كان أحلى بفضل الصويا.

البطاطس المحمرة للأسف كانت أقل من مستوى الأكل، بقرمشة بسيطة من الخارج تناسب حجم القطع السميكة.

المُلخَّص؛ المطعم كان نظيف جدًا وفيه جرسون واحد كان كافي جدًا بالنظر لحجم المطعم، خصوصًا أن وقتها كانوا ترابيزتين بس اللى فيهم ناس، الأكل كان لذيذ، غالى شوية، وعمومًا التجربة بشكل عام كانت هائلة.