The Definitive Guide to Living in the Capital , Cairo , Egypt

عن القاهرة

“القاهرة”.. مطاعم، كافيهات، تسوق، ثقافة، وحاجات ثانية كثير..

انسى كل حاجة أنت فاكر أنك عارفها عن القاهرة، إحنا ممكن نقعد نتكلم بالساعات عن النيل وأهرامات الجيزة، لكن إحنا بـ نؤكد لك أن فيه حاجات ثانية كثير نتكلم عليها أو نعملها في كايرو، ودي أقل حاجة نقدمها لمدينتنا المفضلة ولبلدنا مصر.

من حواري وسط البلد الضيقة لضواحي القاهرة وأحيائها الجديدة، من مدينة 6 أكتوبر في الغرب للتجمع الخامس وهليوبوليس في الشرق، القاهرة بـ تكبر وبـ تتوسع بسرعة رهيبة.

مافيش كلام أن أهم ما يميز القاهرة الكبرى وبـ يخليها على خريطة السياحة العالمية هي آثار قدماء المصريين وهي مصدر فخر لنا جميعًا. ونفس الكلام بالنسبة للتراث المعماري في القاهرة الإسلامية. لكن طموحات أهل كايرو ما وقفتش عند الاحتفاء بآثار القدماء، لكن كانت سبب في جعل القاهرة واحدة من أهم مراكز الفنون والثقافة والمطاعم والحياة الليلية والموسيقى والتسوق.

“المدينة التي لا تنام” مليانة مطاعم وكافيهات ومعارض فنية وأماكن للسهر لسه ما حدش اكتشفها، ودي المهمة اللي وكلناها لأنفسنا في كايرو 360 من سنة 2010. هـ تلاقونا في معارض الزمالك والمطاعم الجميلة على النيل وفي المراكز التجارية والمولات اللي في مصر الجديدة ومدينة نصر حتى عند عربيات الفول اللي في السيدة زينب. القاهرة بجد “تسع الكل”.

على مر السنين أثبت البائعين والفنانين المحليين وجودهم على الساحة الدولية وقدرتهم على التكيف مع المتغيرات اللي بـ تحصل للعالم من حولهم، ومن حاجة زي دي نقدر نفهم ليه القاهرة كانت عنصر جذب لكل سكان العالم، وليه كثير من اللي بـ يزوروها بـ يقرروا يعيشوا فيها للأبد. مافيش أي مدينة في العالم بـ تقدر تمزج الماضي بالحاضر والقديم بالحديث زي ما القاهرة بـ تعمل. تاريخ وتراث القاهرة فريد ولا يقارن بأي مكان ثاني، والأهم أنك مش هـ تلاقي مدينة مرحبة وودودة أكثر من “كايرو”.