-
أدريان مارتينيزجيرالد ماكريني...
-
إثارة
-
جلين فيكاراجلين فيكارا...
-
في1 Cinema
Mohamed Hamdy
الحقيقة أن محرر الأفلام فى كايرو 360 فلوسه ضاعت "أو اتسرقت" قبل بداية الفيلم بوقت قصير، ولما فوجىء أن الفيلم بـ يحكي عن مجموعة من النصابين المتخصصين فى النشل والسرقة، فقد أى تعاطف مع الأبطال، لكن بعيدًا عن الموقف ده، نقدر نعتبر الفيلم متوسط الجودة.
من تأليف وإخراج جلين فيكارا بـ نشوف قصة ويل سميث، النصاب والنشال المحترف، واللى بـ يقود مجموعة من النشالين المتخصصين فى سرقة الناس أثناء الأحداث الرياضية أو الأحداث اللى بـ يتجمع فيها ناس كثير مع بعض، وبعدها بـ يتم فرز المسروقات والاستفادة منها، بـ يتعرف سميث على مارجوت روبي، هى كمان نشالة لكن مش محترفة، سميث بـ يتولى مسئولية تدريبها واستخدامها لمساعدته فى العديد من العمليات، لكن الأمور بـ توصل بينهم لمفترق الطرق فى النهاية، ثم بـ يرجعوا يتقابلوا ثانى، وتستمر الأحداث.
الحقيقه أن الفيلم لو كان له بطل ثاني أقل شأنًا من ويل سميث كان ممكن نشوفه أحسن وأقوى، لكن مع وجود سميث فى دور البطولة، كنا نتوقع فيلم أقوى وأداء تمثيلي أحسن من كده بكثير.
الموسيقى التصويرية كانت كويسة، الديكورات كمان كانت متناغمة مع المشاهد اللى تم تصوير بعضها بزوايا واسعة أعطت جمال متميز لبعض المشاهد، لكن لم يتم استعمالها بشكل مكثف، وبشكل عام الفيلم بـ ينتصر للقصة على حساب أى عامل ثاني من عوامل نجاح الأفلام.
على الرغم من انتماء الفيلم لنوعية أفلام الإثارة والتشويق، إلا أن كان عندنا استنتاج لمعظم الأحداث قبل حدوثها، وما حسيناش بأي انبهار أو مفاجآت فى الأحداث، وده طبعًا شىء يقلل من جودة الفيلم فيما يتعلق بالورق والسيناريو، وبشكل عام ومع نهاية الفيلم اللى بـ يناقش عالم النصب وكواليس حياة النشالين، نتمنى لكم حياة خالية من السرقة أو التعرض للنصب.