The Definitive Guide to Living in the Capital , Cairo , Egypt

دايمًا المراكز الثقافية هي الأماكن اللي بتدعم الفنون والمواهب المختلفة. وبتساعد على توصيلها للجمهور بأفضل شكل. ده غير الفعاليات والأحداث المهمة اللي بتستضيفها. والأنشطة المتعددة اللي بتقوم بها.

جوائز اختيارت المحررين لأفضل المراكز الثقافية لعام 2017:

علبة ألوان – 3elbt Alwan

علشان الألوان من الحاجات الحلوة في الحياة، كل يوم من أيام الأسبوع له لون في علبة ألوان. وده بيظهر في الأنشطة والحفلات اللي بيعملها المكان.

 

مكان – Makan

المركز المصري للثقافة والفنون “مكان”، بيحاول يحافظ على الترث المصري الأصيل، المتمثل في الأغاني الشعبية. وده بيبان في حفلاته، اللي بتحييها فرق متنوعة.

دوتس سبيس – Dots Space

من الأماكن المهمة في القاهرة، اللي بتهتم بالأنشطة والفعاليات الفنية والثقافية المختلفة.

مجنوليا – Magnolia Leaves of Art 

مجنوليا هي مكتبة تقرا فيها ببلاش. ومساحة تعرض فيها أعمالك. وسينما تتفرج فيها على أفلام. من الآخر كده، مجنوليا في الزمالك هي المكان الشامل.

زاوية – Zawya

أول دار عرض للسينما البديلة في مصر. وبرنامجها بيجمع بين: عروض سينمائية – فعاليات. وكمان بتعرض أعمال سينمائية من دول مختلفة.

ييلو أمبريلا – Yellow Umbrella

من أكتر الأماكن المبهجة واللي مليانة أنشطة في المعادي. هناك هتستمتع بحفلات غنائية وفعاليات مختلفة.

سوما آرت – Soma Art

مكان بيحاول يدعم الأنشطة الفنية والثقافية، بالكورسات والممارسات العملية. وده بيساعد على تطويرها بشكل أكبر.

 

ساقية عبد المنعم الصاوي – El Sawy Culturewheel:

في ,قت قليل قدرت الساقية أنها تبقى علامة من علامات الزمالك، والحركة الثقافية في القاهرة ككل، وده لأنها أتاحت الفرصة لكثير من المبدعين في كل المجالات –سواء مفكرين، شعراء أو فنانين- أنهم ينشروا الثقافة بين قطاع كبير من الناس، من أول الستاند أب كوميدي الخفيفة لأعمق الندوات، الساقية بتستضيف فعاليات كثيرة تخليها بسهولة تدخل وسط قائمة أفضل المراكز الثقافية.

آرتس مارت – Arts Mart:

بالرغم من أن ظهورهم جديد على الساحة الفنية في مصر، إلا أن بمقرهم المختلف والضخم واللي بـ يستوعب عدد كبير من الأعمال الفنية المعاصرة بأشكالها المختلفة قدروا أنهم يشدوا عدد كبير من المهتمين بالفن التشكيلي في وقت قليل خارج حدود زحمة القاهرة.

رووم آرت سبيس – ROOM ArtSpace:

مساحة فنية لكل الأنشطة الإبداعية بمجالاتها المختلفة، من أول الحفلات الموسيقية، مرورًا باليوجا وحلقات الطبول، وحتى المعارض الفنية.

درب 1718 – Darb 1718:

علامة ثانية من علامات الثقافة في القاهرة، الطريق لدرب 1718 لوحده متعة، فعالياته متعددة وتناسب جميع الأذواق الثقافية، سواء المعارض الفنية، الحفلات الموسيقية أو حتى الحلقات النقاشية المفتوحة واللي بـ يشارك فيها الحضور بكل حرية وتحضر.

آرت توكس – Art Talks:

مش بس بيقدم ندوات عن تاريخ الفن المصري والفن المعاصر بصفة شهرية؛ آرت توكس كمان بيقدم للجمهور بمعارض مختلفة لفنانين شباب معاصرين.

تاون هاوس جاليري – Townhouse Gallery :

من أول افتتاحه سنة 1998 كمساحة فنية مستقلة وتاون هاوس جاليري بيشجع الفنانين والمبدعين في كل المجالات، وخصوصًا مجال الفن التشكيلي بمختلف صوره عن طريق تنظيم معارض وورش عمل، غير تخصيص أماكن مجهزة تستوعب طاقاتهم الإبداعية.

سفر خان جاليري – Safar Khan Gallery:

جاليري سفر خان معروف بمعارضه اللي بتتيح للجمهور أنه مش بس يشوف أعمال لكبار الفنانين الموجودين على الساحة الفنية على الطبيعة، ده كمان بيقدم معارض لفنانين رواد في تاريخ الفن التشكيلي المصري.

قاعة الزمالك للفن – Zamalek Art Gallery:

غير أنهم بيقيموا معرضين لفنانين معاصرين بصفة شهرية، قاعة الزمالك للفن من القاعات الكبيرة اللي بتستوعب عدد كبير من الأعمال أيًا كان حجمها.

جيبسم جاليري – Gypsum Gallery:

من القاعات الفنية الحديثة نوعًا ما على الساحة الفنية المصرية، جيبسم جاليري بيقدم العديد من المعارض الفردية والجماعية، ده غير نشرات فنية وأعمال فنية محدودة وغيرها من الفعاليات الفنية المهمة.

فوتوبيا –  Photopia:

فوتوبيا يعتبر أهم مكان ممكن أي شخص غاوي تصوير فوتوغرافي -سواء هاوى أو محترف– يروحه، لأنه ببساطة بيقدم مجموعة من الخدمات زي توفير ستوديو تصوير، تقديم معارض فنية، ورش عمل وكورسات، ده غير مكتبته اللي متوفر فيها كل المعلومات اللي أى مصور ممكن يحتاجها.

مسرح الفلكي – Falaki Theatre:

المسرح الموجود في حرم الجامعة الأمريكية في وقت قليل قدر أنه يرجع مجد المسرح اللي كنا قربنا ننساه بفعالياته المنتظمة وورش العمل المختلفة اللي بيقدمها لمحبي الفن ده.

جاليري مصر – Gallery Misr:

جاليري مصر –اللي تأسس سنة 2011– قدر في وقت قليل أنه يكون واحد من أهم الجاليريهات في القاهرة، لأنه معروف بجودة الأعمال الفنية اللي بيعرضها، سواء لوحات، منحوتات أو حتى أعمال فنية متعددة الوسائط.

جاليري المسار للفن المعاصر – Al Masar Gallery:

جاليري المسار بيهتم بتقديم الأعمال المعاصرة الجيدة، ومقره المميز في مبنى بهلر في الزمالك يعتبر من أهم الجاليريهات اللي ممكن تروحها لمشاهدة أعمال كبار الفنانين المعاصرين الموجودين على الساحة الفنية في مصر.

قاعة بيكاسو للفنون – Picasso Art Gallery:

بيكاسو بيقدم معارض –جماعية وفردية- بصورة منتظمة لكبار الفنانين المصريين، ده غير أنه بيتميز بصالة عرض واسعة، تستوعب عدد كبير من الأعمال.