The Definitive Guide to Living in the Capital , Cairo , Egypt

نايل ريتز كارلتون من غير كلام كتير يعتبر من علامات وسط البلد، وقدر الفندق خلال فترة بسيطة يكون من أهم الفنادق في كايرو من قوة وتنوع المطاعم اللي فيه واللي بتجمع أكلات العالم في مكان واحد؛ يعنى لو دماغك رايحة لأكلة شرقي إطلع على باب الشرق، ولو أكل عالمي متنوع أكيد المكان المناسب هو كولينا، وطبعًا لو أكلة طلياني عليك وعلى فيفو.

الناس في نايل ريتز عارفين كويس إن حر القاهرة في الصيف شديد، وعشان كده قرروا يدلعوا ضيوفهم بمهرجان البطيخ ” Watermelon Fiesta”، ودي منيو فواكه مخصوصة موجودة في كل مطاعم وبارات الفندق، وضيف شرف المنيو هيكون البطيخ اللي داخل في أطباق حلوة وحادقة كتير، ده طبعًا غير العصائر والكوكتيلات المنعشة.

المنيو الرائعة تشمل أطباق مناسبة لحر الصيف زي سلاطة الجبنة الفيتا والبطيخ من قسم الحادق، أما من قسم الحلو فعندهم حاجات تفتح النفس زي النوجا المثلجة بالبطيخ وشربات البطيخ بالخيار. أما بالنسبة للناس اللي عايزة مشروب منعش على حمام السباحة، فمفيش أحلى من عصير البطيخ، أو البطيخ المخلوط بالرام.

مفاجآت نايل ريتز كارلتون لسه ماخلصتش، أصل الفندق الحاصل على نجمتين ميشلان والمطعم الإيطالي فيفو قرروا يحتفلوا بالصيف على طريقتهم ويقدموا مهرجان الحمضيات ” Fête du Citron” وهنا كلمة السر هتكون الفواكه المززة بألوانها المبهجة الأصفر والبرتقالي والأخضر ومعاها حاجة مسكرة.

الفواكه دي سواء كانت ليمون أو برتقال أو جريب فروت هتلاقيها موجودة وبقوة في أطباق الشيف كارمين الإيطالية، والكلام ده مستمر طول شهر يوليو.

لمعلومات أكتر اتصلوا على 02-25778899، أو تابعوا صفحة نايل ريتز كارلتون على الفيسبوك.