The Definitive Guide to Living in the Capital , Cairo , Egypt

كتير بنسمع عن شركات الشحن الموجودة في القاهرة وفي المحافظات. وكلها بتعتمد على التوصيل من خلال السيارات. لكن شركة Pedal Express غيرت المفهوم ده، وبتقدم أول خدمة شحن بالعجل في مصر.

كايرو 360 تواصلت مع القائمين على الشركة، وعرفت شوية تفاصيل ومعلومات عن الخدمة دي. الشركة بتعتمد على فكرة تقديم خدمة شحن سريعة وآمنة، وفي نفس الوقت صديقة للبيئة. وده طبعًا غير الالتزام التام بالمواعيد.

تكلفة التوصيل:

تكلفة توصيل أي حاجة من خلال الشركة بتعتمد على عنصرين: السرعة – المسافة  أو المنطقة.

 

 

السرعة بتتقسم لـ:

Rush: وفيها التسليم خلال 3 ساعات.

Standard: وفيها التسليم خلال 8 ساعات.

Economy: وفيها التسليم خلال 24 ساعة.

 

 

المسافة بتتقسم لـ:

مسافة 1: 15 كم.

مسافة 2: 15 لـ 25 كم.

مسافة 3: 25 لـ 35 كم.

بيكون وزن الحاجة اللي هتتشحن من 1 لـ 5 كجم. وفي سعر محدد للوزن والمسافة. أكتر من 5 كجم، وأكتر من 35 كم، بيبقى لهم سعر مختلف.

الشركة دلوقتي بتقدم خدماتها في القاهرة بس. لكن شغالين على توفير الخدمة دي في محافظات تانية. تقدروا تعرفوا أكتر عن خدماتهم من هنا.