The Definitive Guide to Living in the Capital , Cairo , Egypt

الديكور دايمًا مهم في كل بيت، وكل شخص دايمًا بيحط لمسته المميزة للمكان اللي عايش فيه، سواء رسومات أو أنتيكات وغيرهم كتير. بس فيه اللي بيحب يخرج عن المألوف، ويزين البيت بحاجة مختلفة.

هنا ييجي دور جاليري Wall Plus، في أركيديا مول. لما شوفنا الحاجات المعروضة، لقينا الجاليري بيقدم تشكيلة متنوعة من القطع المختلفة اللي بتزين أي بيت. وبتناسب أذواق كتيرة ومختلفة.

من الجاليري تقدر تختار القطع اللي تناسبك، حسب الشكل اللي بتحبه في الديكور. يعني لو بتحب التابلوهات اللي بتتعلق على الحيطة، هتلاقي تابلوهات عليها صور لنجوم السينما زي كده.

أو لو بتحب الطابع الديني، هتلاق حاجة زي دي:

وكمان صور لمعالم زي برج إيفيل، أو صور على الطراز الأفريقي:

كل التابلوهات دي وأكتر هتلاقيها عندهم، بتشكيلة مختلفة ومتنوعة. وسعر بيتراوح في رينج 300 لـ 650 جنيه. وده سعر إلى حد ما معقول.

الجاليري مش بس بيقدم تابلوهات، ده كمان في حاجة تانية زي الـ High Chair. وده كرسي بتصميم معين، وضهره عالي جدًا. صحيح سعره عالي شوية (3000 جنيه)، بس الناس اللي بتحب الحاجات دي مش بيفرق معاها الثمن. وموجود من الكرسي تصميمات تانية.

وهتلاقوا الصواني اللي بنقدم عليها المشاريب، بتصميمات وأشكال أحجام مختلفة. منها الصغير والوسط والكبير، بأسعار: 230 – 260 – 300 جنيه. زائد تصميمات تانية، زي المخدات الصغيرة اللي عليها أشكال وروسومات مختلفة.

جاليري Wall Plus موجود في أركيديا مول، كورنيش النيل، جنب أبراج النيل سيتي. الدور الثاني. زوروه وهتلاقوا حاجات كتير هتعجبكم. كمان تقدروا تطلبوا اللي يعجبكم من صفحتهم على الفيسبوك ويوصلكم لحد البيت.