5 خدمات مهمة بيقدمها البريد المصري غير إرسال الجوابات
Mohammed Sabry
كلنا بنتعامل مع البريد المصري دايمًا في حاجتين أساسيتين: الرسائل – دفاتر التوفير. لكن كتير مننا مايعرفش خدمات تانية مهمة ومختلفة بيقدمها البريد المصري، في كل أنحاء الجمهورية. وطبعًا في كل فروعه في القاهرة، تعالوا نتعرف عليها في المقال ده:
1- الحوالات البريدية
البريد المصري بيقدم خدمة حوالات الأموال بـ 3 طرق مختلفة:
حوالات فورية: ودي تقدر تبعت بها فلوس لأي حد في الجمهورية. ويستلمها في نفس الوقت من أي مكتب في الجمهورية، بالبطاقة.
حوالات خارجية مصروفة: وهي حوالة لأي حد مستني فلوس تتبعت من برة مصر، بعملة أجنبية. ويقدر يصرفها بمجرد وصولها المكتب.
حوالات داخلية (حكومة أو أفراد): دي حوالة يبعتها فرد لجهة حكومية، مقابل خدمة معينة. من غير ما يروح الجهة دي بنفسه.
2- البريد السريع
خدمة مميزة للأفراد والشركات والبنوك. بتوفر نقل المستندات داخل وخارج مصر، خلال مدة من 24 لـ 48 ساعة.
3- النيل إكسبريس
ودي خدمة بيقدمها البريد المصري، بالتعاون مع البريد الممتاز. تقدر من خلالها تنقل الطرود لأي مكان في الجمهورية. بأفضل سعر وخلال وقت قياسي.
4- الكارجو إكسبريس
الخدمة دي خاصة بالشركات والكيانات الكبرى. وهي لنقل البضائع من مقرها الرئيسي، لمختلف انحاء الجمهورية. وبتتميز بالتأمين على البضائع، وكمان الدقة والسرعة.
5- صرف المستحقات
المستحقات زي المعاشات أو الفواتير الحكومية:
المعاشات: البريد بيصرف المعاشات لمستحقيها، أو أي حد ينوب عنهم.
الفواتير الحكومية: زي دفع فواتير الغاز أو الكهرباء أو المياه، من خلال البريد.
مقترح
معالم وسياحة
الصحراء البيضاء في مصر: كأنك على كوكب تاني!
أجمل الصحاري في العالم أماكن تخييم في مصر +11
الحياة في كايرو
