-
ديبيكا بادوكونرينفير سين...
-
حركة ومغامراتدراما
-
سانجاي ليلا بانسالي
-
في1 Cinema
Mohamed Hamdy
على الرغم من أن بعض الأفلام الهندية بتكون خفيفة وكوميدية أو بتحكي عن قصص مش بنفس أهمية أفلام تانية،إلا أن الحقيقة أن الهند بقى لها فترة طويلة نسبيًا بتقدم أفلام مهمة وقوية، مش بس على مستوى القصة والسيناريو والحوار، لكن على مستوى الصورة والكادرات والإخراج. تعالوا نتعرف أكتر على فيلمPadmaavat.
القصة
فيلم Padmaavat بيحكي عن قصة حب بين حاكمين، الأول هو علاء الدين الخلجي والملكة راني بادمافاتي ملكة ميوار، وإزاي بتتطور قصة الحب دي وإيه العقبات والمشكلات اللي ممكن تواجه علاقة حب ملكية.
فريق العمل
الفيلم من إخراج المخرجة الهندية سانجاي ليلا بهانسالي، ومن تأليف براكاش كاباديا، ومن بطولة شاهيد كابور، ديبيكا بادوكان، رانفير سينج، أديتي راو هيداري، جيم ساربا، و رازا مراد.
الأداء التمثيلي
الأداء التمثيلي لأبطال الفيلم كان قوي، كمان من الواضح أن الفيلم كان بيتطلب جرأة كبيرة من طاقم العمل، والدليل حظر عرض الفيلم في ماليزيا بداعي أنه بيهين مشاعر المسلمين من خلال التعرض لقصة حياة الملكة راني بادمافاتي. مش كده بس. لكن في الهند أيضًا حكمت 4 ولايات بعدم عرض الفيلم، ثم أمرت المحكمة العليا بضرورة عرض الفيلم في كافة الولايات الهندية وإلغاء الأحكام السابقة.
السيناريو والحوار والإخراج
سيناريو الفيلم قوي ومميز وغير ممل، وقدر ينقل لنا تفاصيل العلاقة الرومانسية بمنتهى البساطة والذكاء في نفس الوقت، لكن لا يمنع أننا كمشاهدين محتاجين بعض التركيز في الأسماء وخط سير السيناريو علشان لا نشعر بالتوهان في السيناريو، أما حوار الفيلم فكان عذب وجميل وسلس ورومانسي في نفس الوقت.
الديكورات والموسيقى والأزياء
من أروع الأمور اللي بنشوفها في الأفلام الهندية بشكل عام الاهتمام بالديكورات والموسيقى التصويرية إلى أقصى حد، كمان تصميم وتكوين مشاهد الفيلم كان عبارة عن كرنفال من الألوان الحية والمريحة للعين والمثيرة للمشاعر، وده كان واحد من أقوى عوامل تميز الفيلم واللي بنحيي صناعه على قدرتهم على تقديم التجربة البصرية الغنية دي.
الخلاصة
فيلم Padmaavat نقدر نعتبره فيلم هندي قوي، يستحق المشاهدة خصوصًا من عشاق متابعة الأفلام الرومانسية.
علشان تبقى عارف:
تقييم الفيلم على موقع IMDB وصل إلى 7.3 من 10.