The Definitive Guide to Living in the Capital , Cairo , Egypt

لو كنت من عشاق تصوير الأماكن الأثرية أو بتحلم تعمل فيلم وثائقي عن مكان أثري في القاهرة أو في باقي المحافظات المصرية، أو لو نفسك تعمل فوتوسيشن لفرحك أو لأي مناسبة مهمة، يبقى مهم يكون عندك معلومات عن أسعار التصوير في المناطق الأثرية.

وعلشان تبقى عارف وزارة الآثار بتتيح التصوير التجاري سواء سينمائي، تلفزيوني، أو فوتوغرافي. في المواقع الأثرية والمتاحف، من خلال باقات متنوعة منها باقات “يومية، أسبوعية، شهرية”، سواء للمصريين أو للأجانب، وفي السطور الجاية هنقول لكم على الضوابط والقواعد الخاصة بلائحة التصوير اللي أقرها المجلس الأعلى للآثار ونشرها مؤخرًا موقع صحيفة الوطن.

أول حاجة أنت محتاج تعرفها كشخص بيعشق التصوير الأثري إن رسوم التصوير الفوتوغرافي للمقابر المغلقة في مصر هي 2000 جنيه للمصريين في اليوم الواحد، وده طبعًا بعد موافقة السلطة المختصة، وللأجانب 3000 جنيه في اليوم الواحد بشرط إن التصوير يكون من غير فلاش.

أما الرسوم المقررة للتصوير الفوتوغرافي في المقابر المفتوحة ما عدا مقابر نفرتاري وتوت عنخ آمون وسيتي الأول، فهي للمصريين 1000 جنيه للمقبرة الواحدة في اليوم، بالإضافة لثمن التذكرة لكل فرد، وللأجانب 1500 جنيه للمقبرة الواحدة لليوم، بالإضافة لثمن التذكرة لكل فرد بعد موافقة السلطة المختصة، وبشرط إن التصوير يكون من غير فلاش.

والتصوير الفوتوغرافي لمقابر نفرتاري وتوت عنخ آمون وسيتي الأول، بتبلغ قيمة رسومه المقررة للمصريين 2000 جنيه للمقبرة الواحدة في الساعة، بالإضافة لسعر التذكرة وللأجانب 3000 جنيه للمقبرة الواحدة في الساعة، بالإضافة لسعر التذكرة بعد موافقة السلطة المختصة وبيكون التصوير من غير فلاش.

أسعار التصوير في المتاحف

أما رسوم التصوير الفوتوغرافي للمتاحف المصرية المختلفة فهي 50 جنيه، بالإضافة إلى سعر تذكرة الدخول وبرضه التصوير من غير فلاش.

ورسوم التصوير الفوتوغرافي للآثار الغارقة، فوق الماء بتبلغ 250 جنيه لليوم الواحد وفي موقع واحد، وتحت الماء 500 جنيه لليوم الواحد وفي موقع واحد​.

وبتبلغ رسوم التصوير الفوتوغرافي بقصر ألكسان بأسيوط أثناء مواعيد العمل الرسمية 500 جنيه، بالإضافة إلى 150 جنيه لصندوق رعاية العاملين وبعد مواعيد العمل الرسمية 1000 جنيه بالإضافة إلى 150 جنيه لصندوق رعاية العاملين.

أما رسوم التصوير الفوتوغرافي بحديقة قصر البارون في أثناء مواعيد العمل الرسمية فهي 500 جنيه، بالإضافة إلى 150 جنيه لصندوق رعاية العاملين، وبعد مواعيد العمل الرسمية 1000 جنيه، بالإضافة إلى 150 جنيه لصندوق رعاية العاملين.

وموافقة السلطات المختصة سهلة جدًا، بتروح إدارة المكان، اللي موجودة في نفس المكان اللي أنت عاوز تصور فيه، وبتطلب منهم التصوير وبتاخهد تصريح بعد ما بتدفع الرسوم المقررة.

نتمنى لك أحلى سيشن مصري أصلي.