The Definitive Guide to Living in the Capital , Cairo , Egypt

“عشان جمالها يبان.. شارك انت كمان”، ده شعار حملة بيقوم بيها سكان حي الزمالك، يوم الجمعة من كل أسبوع. علشان ينظفوا شوارع الحي بنفسهم.

والسكان بيحددوا شارعين كل أسبوع علشان ينظفوهم، كنوع من الدعم لجمعية خدمات الزمالك.

المبادرة هدفها نشر ثقافة النظافة، والتوعية بالحفاظ على البيئة بالجهود الذاتية. وبتشترط على كل مشارك إن يكون معاه (مقشة – جاروف – كيس زبالة – جوانتي – ماسك).

الأدوات دي بتسهل عملية التنظيف وجمع القمامة في أكياس خاصة. وبيتم تحميلها في سيارة نقل، والتخلص منها في المكان الصحيح.

المبادرة بتشجع الناس على تنظيف أحيائهم بنفسهم. من غير انتظار عمال النظافة اللي بيكون عليهم عبء كبير للتنظيف. وبكده بيفضل الحي في أحسن وأنظف وأجمل.