Shaymaa El Gammal
مفيش حاجة ترتب بيها دماغك، وتدخلك السنة الجديدة مفرفش، أكتر من إنك تشتري أجندة جديدة لـ 2019. سواء لك أو لحبايبك اللي بيحبوا الأجندات. فقولنا نجمع لكم أفضل أجندات لقيناها في السوق للسنة الجديدة.
1- Daftar
بخلاف الأجندات التقليدية، دفتر عندهم أجمل بوكس هدية من وجهة نظرنا. ممكن تقدمه لحد من أصحابك. هتلاقي بوكسات شيك وفاخرة بتصميميات مختلفة، فيهم الحاجات دي: أجندة سنوية هارد كوفر متقسمه 365 يوم، فيها أفكار كتير – منظم مكتب 6 قطع، مدمج ببوكس هدية بنفس تصميم كوفر الأجندة – كالندر شهري مدمج بكتاب تلوين، بيساعدك تفصل شوية وبيقلل التوتر – ويكلي بلانر مدمج معاها تو دو لست منفصلة صغيرة – بوك مارك – Coaster بنفس تصميم الأجندة – كارت إهداء بنفس التصميم – مجموعة متنوعة من الستيكرز. وسعر البوكس في المكتبات زي فيرجن ميجا ستورز بـ 170 جنيه. وعلى صفحتهم بـ 127 جنيه بخلاف مصاريف الشحن.
2- Ym Sketch
“يم سكيتش” منزلين مجموعة متنوعة من الأجندات: زي الأجندة الصغيرة الخاصة بالجيب، أجندات المكتب، أجندات الحيطة اللي بتتعلق، الأجندات التقليدية، والنتائج الأسبوعية. عندهم مجموعة مميزة من التصميميات الكارتونية المبهجة، وأجندتين لونهم أسود. أحلى اتنين فيهم واحدة اسمها The little Black planner، وأجندة “الغباء موهبة”.
ممكن تشتروا منتجاتهم من فيرجن ميجا ستورز أو من على الـ Store بتاعهم على صفحتهم على فيسبوك.
أما عن الأسعار فنتيجة المكتب 75 جنيه، أجندة 2019 بـ 150 جنيه، النتيجة الأسبوعية بـ 39-49 جنيه، نتيجة الحائط” السنوية بـ 99 جنيه.
3- مفكرة Mofakera
مفكرة بتقدم بوكس جواه عشر حاجات منهم: الأجندة الأسبوعية والبلانر الأسبوعي بمكان للتخطيط لوجباتك الغذائية ، To do list ،Coasters للشاي والقهوة، بلانر الحائط السنوي، ستكيرات وورق هدايا ممكن تلف فيه البوكس، بوك مارك.
بسعر 145 جنيه تباع على صفحتهم. وممكن تطلبوها من موقعهم، أو تشتروها من فيرجن ميجا ستورز .
4- Space
أجندة سبيس 2019 تحتوي على: عبوة اﻷجندة، عبارة عن شنطة بلاستيكية شفافة متعددة الاستخدامات فيها أجندة يومية بمكان لوضع القلم، قلم، 25 موضوع تملاهم علشان تخطط للسنة الجديدة، صفحات تلوين، كتيب ستيكرات، بلانر للحيطة، بوك مارك وكارت للإهداء.
أجندة سبيس 2019 متاحة حاليًا أونلاين من خلال الويب سايت. ورسائل صفحتهم بسعر 140 جنيه.
5- Noota
أجندة نوتة عبارة عن أجندة جوة علبة بمقاس A5، To do list، بوك مارك وكوستر واستكيرات ونتيجة للحيطة، واستيكر مخصص للابتوب والموبايل. وسعرها 120 جنيه. وممكن تعرفوا تفاصيل أماكن البيع والتوصيل من على صفحتهم.
6- Spectrum
أجندة سبيكترم عبارة عن أجندة 144 صفحة هارد كوفر، يبيجي معاها 2 بلوك نوت، نتيجة حيطة، بوك مارك، استيكرات لاب توب كمان. وسعرها 95 جنيه. صفحتهم على فسبوك.
7- Bedaya
إحنا بندعوكم لشراء أجندات بداية. الأجندات من إنتاج مبادرة “بداية” لذوي القدرات الخاصة. وجزء من تمنهم بيروح للخير. الرسومات الجميلة اللي على الأجندات لـ “Christian Ananian”رسام المصري من أصول أرمينية، ومشهور بكيكو.
الأجندات متوفرة في فيرجن ميجا ستورز بسعر 72 جنيه. صفحتهم على فيسبوك.
8- neuron
أجندات “نيورون” للمصممة رانيا حافظ، بيتميزوا بالأشكال الهندسية الراقية. والطباعة الخارجية اللي فيها لمعة خفيفة. حجمها المختلف بيخليها شيك للستات بالذات. وسعرها 130 جنيه. ممكن تشتروها من فيرجن ومكتبات الشروق، أو من خلال منافذ البيع الموجودة على صفحتهم.
9 – DOTS Planner
عندهم تشكيلة مميزة جدًا من الأجندات اللي تستحق الاقتناء، طباعة مميزة، تصميمات جميلة ومبهجة تخليك تدخل السنة الجديدة وأنت مليان حماس وسعادة.. والأسعار عندهم مناسبة جدًا بتبدأ من 200 جنيه وبتوصل لـ 240 جنيه.
تقدروا تعرفوا تفاصيل أكتر من خلال صفحتهم على الفيسبوك هنا.
في النهاية نتمنى تكونوا عرفتوا هتختاروا أي أجندة لـ 2019. يلا نبدأ السنة الجديدة بشوية نظام.
مقترح
معالم وسياحة
المتحف القبطي بالقاهرة.. هنا أكبر مجموعة آثار قبطية في العالم
المتحف القبطي المتحف القبطي المصري +3
الحياة في كايرو
