Cairo 360
الصورة من الصفحة الرسمية لمعرض الكتاب
لو بتفكر تروح معرض الكتاب، محتار في الكتب اللي عايز تشتريها، دي مجموعة من النصائح المهمة نشرها موقع “الوطن”، هتساعدك تختار كتبك بسهولة:
1- الجودة
ركز كويس في جودة الكتاب، من حيث الطباعة والنشر والتغليف. شكل الغلاف يشد. وكمان الورق والكلام مريحين للعين.
2- العنوان والمؤلف
عنوان الكتاب ومؤلفه حاجتين مهمين تاخد بالك منهم. خصوصًا لو بتشتري للؤلف ده لأول مرة.
3- المقدمة
يستحسن تقرأ المقدمة كويس، علشان تقدر تاخد فكرة وانطباع صحيح عن الكتاب.
4- الفهرس
لازم تعرف الموضوعات بتاعت الكتاب من الفهرس. وتشوف تناسب تفضيلاتك أو لأ.
5- التصفح السريع
افتح أي صفحة بشكل عشوائي، وشوف إذا كانت اللغة سهلة ومريحة بالنسبالك أو لأ.
6- المراجع
بصة سريعة على المراجع هتكون مفيدة جدًا. علشان تقدر تتأكد من مدى ثقة المحتوى.