-
إيمي روسومدومينيك لومباردوزي...
-
حركة ومغامراتدراما
-
هانس بتر مولاند
-
في1 Cinema
Mohamed Hamdy
ضجة كبيرة أثارها العرض الخاص لفيلم Cold Pursuit، بسبب تصريحات البطل “ليام نيسون”. اللي قال إن بعد تعرض حبيبته للإغتصاب، كان عاوز يفتعل شجار مع أي شخص أسود علشان يقتله. وأنه حس بالندم بسبب تفكيره بالشكل ده. اتهامات العنصرية فضلت تطاردت نيسون، وتسببت في إلغاء عرض الفيلم الخاص.
الفيلم بيحكي عن رجل بيعمل في مجال كسح الثلوج. معروف بانضباطه، وبيحظى باحترام كل اللي يعرفوه. لكن الظروف الغامضة لوفاة ابنه، بتخليه يتتبع أثار عصابة خطيرة لتهريب المخدرات. ويبدأ ينتقم منهم واحد واحد.
بنعيب على الفيلم أنه بيتناول تيمة الانتقام برتابة واضحة. وبدون أي محاولة للتجديد أو تقديم حبكة جديدة. بالتالي المشاهدين كانوا قادرين على استنتاج كل أحداث الفيلم تقريبًا. لكن من ناحية تانية ماينفعش ننكر أن تيمة الأنتقام في حد ذاتها بتحرض المشاهدين على متابعة المشاهدة للنهاية
على الرغم من تقدم “ليام نيسون” في العمر (حوالي 67 سنة)، إلا إنه قدر يقدم مشاهد الأكشن ببراعة ملحوظة. وده يرجع لقدرة المخرج “هانس بيتر مولاند” على توجيهه بشكل صحيح ومناسب.
Cold Pursuit فيلم مناسب لمحبي الأكشن والإثارة. مع تيمة انتقام مباشرة ومثيرة في نفس الوقت.