Mohammed Sabry
طبعًا مافيش حد ماتابعش حفلة الأوسكار، أو على الأقل تابع أخبارها. ومن وسط الأفلام والممثلين اللي فازوا، السوشيال ميديا كلها بتتكلم النهارده عن النجم المصري العالمي “رامي مالك”. اللي فاز بأوسكار أحسن ممثل عن فيلم Bohemian Rhapsody. فتعالوا في السطور اللي جاية نتعرف عليه أكتر من خلال 7 معلومات:
– اتولد في مدينة لوس أنجلوس في 12 مايو 1981، لأب وأم مهاجرين من مدينة سمالوط في المنيا، ووالده كان مرشد سياحي في القاهرة، ووالدته محاسبة.
– له أخ توأم، أصغر منه بـ 4 دقائق، اسمه “سامي” وبيشتغل مدرس. وأخت أكبر اسمها “ياسمين”، دكتورة.
– من أشهر أعماله دور “إليوت أندرسون” في مسلسل Mr. Robot. واللي خد عليه جوائز كتيرة منها جائز اختيار النقاد، وبرايم تايم إيمي لأحسن ممثل في دور رئيسي.
– قدم أدوار مساعدة كتيرة منها: Twilight Saga: Breaking Dawn Part 2 – ثلاثية Night at the Museum.
– اتعرف أكتر من شخصية “لويس ديجا” في فيلم Papillon، مع النجم “تشارلي هنام”. اللي اتعرض في مهرجان تورونتو الدولي للأفلام 2017.
– بدأ العمل في مجال التمثيل سنة 2004، كضيف شرف في مسلسل Gilmore Girls.
– وأخيرًا في 2018 قدم شخصية “فريدي ميركيوري” في فيلم Bohemian Rhapsody. واللي حصل عنه على جوائز البافتا والجولدن جلوب، وأخيرًا أوسكار أحسن ممثل.
مقترح
تسوق
عيد الأضحى 2025: 5 أماكن تشتري منهم أحلى لحمة بلدي أو مستوردة بجودة مضمونة!
أفضل أماكن اللحمة أماكن لحمة في القاهرة +8
الحياة في كايرو
