الأم مش دايمًا طيبة.. 5 أفلام هتوريك الوش التاني
A Bad Moms Christmas Bad Moms Bitch Hereditary Mom and Dad ام خطر روح شريرة طيبة عيد الام فيلم كريسماس كلب مسعور هديةMohammed Sabry
مع قرب عيد الأم، كل حاجة حوالينا بتتكلم عن قد إيه الأم مهمة في حياتنا. وقد إيه مانقدرش نستغنى عنها. بس الأم ليها وش تاني لو ظهر، الدنيا بتتحول جحيم. مش مصدق؟ دي 5 أفلام هتغير فكرتك 180 درجة عن ست الحبايب:
Hereditary
إنتاج 2018 – بعد وفاة الجدة في أسرة صغيرة، بتبدأ سلسلة من الأحداث الغريبة والمخيفة لكل أفرادها. وبيطاردهم سحر أسود ممتد من الجدة للأم. وبتبدأ الأم تكون هي الخطر على الأسرة.
تقييم الفيلم على IMDb هو: 7.3.
Bitch
إنتاج 2017 – أم بتنهار تحت ضغوط الحياة اليومية، فبتدعي إنه سيطر عليها روح كلب مسعور. ويضطر الأب اللي كان مشغول، إنه يحاول يحافظ على العيلة.
تقييم الفيلم على IMDb هو: 5.
Mom and Dad
إنتاج 2017 – أخت وأخوها الصغير بيحاولوا يهربوا بحياتهم، بعد ما حالة هيستيرية تسيطر على الأب والأم، ويبقوا عايزين يقتلوهم.
تقييم الفيلم على IMDb هو: 5.5.
Bad Moms
إنتاج 2016 – 3 أمهات عاديين عايشين حياة روتينية بمسئولياتها. بيقرروا إنهم يتخلوا عن المسئوليات دي، يهتموا بنفسهم، ويعيشوا حياتهم.
تقييم الفيلم على IMDb هو: 6.2.
A Bad Moms Christmas
إنتاج 2017 – بعد ما الـ 3 أمهات اتمردوا على مسئولياتهم، المرة دي بيتمردوا على تحدي جديد… الكريسماس. ويحاولوا يستمتعوا بيه، بدل ما يكون دورهم إسعاد عائلاتهم بس.
تقييم الفيلم على IMDb هو: 5.5.
قولتلي بقى جبت هدية عيد الأم ولا لسه؟