The Definitive Guide to Living in the Capital , Cairo , Egypt

بدأت وزارة الآثار المصرية بشكل عملي تفعيل المشروع المصري – الفرنسي لرفع كفاءة وتطوير مدينة “تانيس” الأثرية في مدينة “صان الحجر” فى محافظة الشرقية، وتحويلها لمتحف مفتوح، واللي كانت الوزارة بدأت فيه فى إبريل اللي فات، وده فى إطار الجهود المبذولة بهدف رفع مستوى الخدمات فى المواقع الأثرية بشكل عام، ومنطقة صان الحجر الأثرية بشكل خاص، نظرًا لأهميتها.

اختيار الشريك الفرنسي كان بسبب الخبرة اللي اكتسبتها البعثات الأثرية الفرنسية اللي بتشتغل في المدينة الأثرية دي من 90 سنة تقريبًا، وهيتمثل التعاون المصري-الفرنسي في المشروع بتوفير الجانب الفرنسى الميزانية اللازمة لتنفيذ المشروع، في حين هيقوم الجانب المصري ممثلًا في وزارة الآثار بترميم عدد من الآثار اللي اتعرضت للتلف، وتجميعها وإعادة تركيبها، ده غير رفع عدد من الآثار المهمة، وترميم المقابر الملكية والآثار الموجودة فيها.

التطوير هيشمل إنشاء مركز لزوار المنطقة، وعمل مسار للزيارة، وتوفير الخدمات للزائرين، واستخدم يفط لشرح المنطقة الأثرية ،علشان تتحط المنطقة دي على الخريطة السياحة المحلية والعالمية بشكل يتناسب مع أهميتها التاريخية والأثرية؛ وده لإن منطقة صان الحجر للأسف مش بيزورها الوفود السياحية بسبب إن معظم آثارها الضخمة كانت تالفة ومكسرة في المكان.