The Definitive Guide to Living in the Capital , Cairo , Egypt

خارجين من أول أسبوع دراسة بالسبلايز والكتب والكراسات والحوارات، وداخلين على أول ويك إند بعد الأسبوع زي ده، فأكيد محتاجين نهاية مختلفة شوية للأسبوع الدرامي الملحمي ده، وعلشان كده احنا هنا، وهنقدم لكم في كايرو 360 المختصر المفيد عن كل الأحداث والحفلات اللي تقدروا تختاروا منها اللي يناسبكم وتحضروه، وتغيروا بيه مودكم.. تعالوا نشوف:

الخميس.. معادنا من الساعة 8 لحد 11 مساءًا مع فرقة حكايات شادي مؤنس في دار الأوبرا المصرية. سعر التذكرة 85 جنيه.

أما لو بتحبوا العزف المنفرد، فتقدروا تستمتعوا بعزف الكامنجا مع “Milan Bajovics” في روم آرت سبيس جاردن سيتي من الساعة 9 لـ 10:30 مساءًا. سعر التذكرة: 105 جنيه.

وياسلام بقى لو ليكم في الفلكلور والفنون الصعيدية والفلاحي والبدوي، فدا يوم سعدكم علشان “سارة الراوي” بنت الإسماعيلية هتكون موجودة في مركز الربع الثقافي من 7 لـ 9 وسعر التذكرة 50 جنيه بس.

بالنسبة ليوم الجمعة.. بنفكر عشاق الفن الأوبرالي بفرصة حضور استعراض “أوبرا عايدة” اللي هيكون في دار الأوبرا المصرية من الساعة 8 لـ 11 بالليل، وأسعار التذاكر “80 – 110 – 160 جنيه”.

أما في “درب 1718” فهيكون معادنا الساعة 8 مع الفنانة “نوران أبو طالب” علشان نستمتع بغناها وتوزيعاتها الجديدة للأغاني القديمة. سعر التذكرة: 107 جنيه.

أما لو انتم حابين تتعشوا عشاء رومانسي على أنغام موسيقى الجاز، فـ “روم آرت سبيس” التجمع الخامس هيكون في استقبالكم من 8:30 لـ 10:30 بحد أدنى للفرد 100 جنيه.

يوم السبت.. هنبدأه بمعرض فني تفاعلي للمهتمين بالحضارة المصرية القديمة بعنوان “لنتذكر رمسيس” واللي هيكون في الجامعة الأمريكية في التحرير. المعرض هيبدأ من 10 صباحًا لـ 9 مساءًا.

كمان تقدروا بالليل تستمعوا بحفلة “بوب روك” مع “نهى فكري” وفرقة Janan في رووم آرت سبيس جاردن سيتي اللي هتبدأ 8:30 وتنتهي 10:30 مساءًا. سعر التذكرة 100 جنيه.

أما لو حابين تفسكوا أطفالكم وتفرحوهم فممكن تخلوهم يزوروا “شارع المعز” ويحضروا عرض التنورة خلال الفسحة اللي بينظمها “متحف الطفل” بسعر 60 جنيه للفرد.

ماتنسوش إن لسه في أحداث أكتر، وفعاليات أكتر، والويك إند لسه في بدايته.. لو عايزين تشوفوا أكتر وتعرفوا أكتر، ادخلوا هنا.

خد بالك: وارد بعض الأماكن تلغي حفلاتها، اتصل بيهم قبل ما تروح.