The Definitive Guide to Living in the Capital , Cairo , Egypt

شركة “الصوت والضوء” هي واحدة من أقدم الشركات اللي بتقدم نفس النوع ده من الخدمات في العالم، ومهمة الشركة دي هنا في مصر هي تقديم عروض صوت وضوء في المواقع الأثرية المختلفة، سواء في القاهرة أو في الأقصر أو في إدفو أو في أسوان أو في أبو سمبل، وبيرجع تاريخ تأسيسها لسنة 1960، وكان أول عرض قدمته في منطقة سقارة الأثرية، وجه من بعده افتتاحات كتير لعروض مختلفة في أماكن كتير في مصر.

تعالوا بينا نتعرف أكتر على مواعيد الصوت والضوء خلال إجازة نصف السنة، علشان نستمتع ونستفيد من المعلومات اللي هنسمعها بأكتر من لغة، وأكيد منها اللغة العربية:

بشكل مبدئي، شركة الصوت والضوء زودت عدد العروض اللي بتقدمها حاليًا، وأضافت عروض جديدة علشان إجازة نصف السنة، وهيكون فيه عروض كلها بالعربي في الأهرامات اللي كل يوم من الساعة 5:30 مساءً، وكمان فيه عروض لمعبد الكرنك في الأقصر كل يوم الساعة 6 مساءً، لحد يوم 29 فبرير.

كمان العروض هتكون موجودة أيام (الإثنين – الأربعاء – الخميس – الجمعة) في معبد “فيلة” في أسوان، وده غير العروض اللي هتكون متاحة في معابد “إدفو” و”أبو سمبل” لكن هتختلف الأيام طبقًا للحجز.

سعر التذكرة العادية علشان تحضروا عروض الصوت والضوء 80 جنيه، وتقدروا تعملوا عرض خاص في أي وقت بالحجز لو انتوا 20 فرد في الأهرامات، أما لو عددكم 30 فرد فهتقدروا تحجزوا عروض معابد “إدفو” و”أبو سمبل” ولو 50 فرد هيبقى متاح تحجزوا عروض خاصة في معابد “الكرنك” و”فيلة”، وكمان بيكون في تذاكر عائلية بتشمل “أب وأم وأبناء”.

تقدروا تحجزوا العروض المناسبة لكم من موقع الشركة الإلكتروني من هنا

وممكن تتواصلوا معاهم على رقم: 01553113161