لمحاربة “كورونا”.. 9 أكلات ومشروبات هتقوي جهازك المناعي
أكلات لزيادة المناعة العلاج بالغذاء تقوية الجهاز المناعي زيادة المناعة كورونا محاربة كورونا
Omar Abd-elmaqsoud
معظم الأطباء في عالمنا أجمعوا إن الغذاء الصحي مهم جدًا لتقوية الجهاز المناعي، ومؤخرًا اتفق كتير من الأطباء أن الجسم اللي مناعته قوية هيقدر يحارب فيروس “كورونا” المستجد، ووقتها مش هتكون محتاج تتناول أي أدوية أو تخضع لأي علاج.
وفي السطور الجاية هنتكلم معاكم عن 9 أكلات ومشروبات قادرة إنها تعزز كفاءة الجهاز المناعي للإنسان، وتخلي قدرته أقوى على مكافحة فيروس كورنا اللي بيلاقي صعوبة في اختراق الأجسام اللي مناعتها قوية، بحسب تقرير نشره موقع قناة سكاي نيوز عربية.
الحمضيات
الأطباء بيكرروا دايمًا إن فيتامين “سي” بيساعد في بناء جهاز المناعة. وبيعتقد بقوة إن الفيتامين ده بيزيد من إنتاج خلايا الدم البيضاء، وهي مفتاح مكافحة العدوى.
والفيتامين ده موجود على وجه التحديد في الحمضيات، زي الجريب فروت والبرتقال واليوسفي والليمون.
الفلفل الأحمر
بيحتوي الفلفل الأحمر على كمية مضاعفة من فيتامين “سي” مقارنة مع الحمضيات. كمان الفلفل الأحمر مصدر غني لعنصر “بيتا كاروتين”. وبالإضافة إلى دور فيتامين “سي” في تعزيز نظام المناعة، فهو بيساعد كمان في الحفاظ على صحة الجلد، بينما يعمل “بيتا كاروتين” على الحفاظ على صحة العينين والبشرة.
البروكلي
البروكلي غني بالفيتامينات والمعادن، وهو مخزن للفيتامينات “أيه” و”سي” و”إي”، بالإضافة للعديد من مضادات الأكسدة والألياف. وبيعتبر البروكلي من أكثر الخضروات الصحية اللي بينصح الأطباء بتناولها نصف مطهية أو نيئة.
الثوم
الحضارات القديمة فهمت كويس قيمة الثوم في مكافحة العدوى، فكان ضيف دائم على موائدها، وده بسبب احتوائه على مواد بتساعد على خفض ضغط الدم وإبطاء تصلب الشرايين. وخصائص الثوم المعززة للمناعة جاية من التركيز القوي للمركبات اللي بيحتويها زي “الأليسين”.
الزنجبيل
الزنجبيل هو عنصر مهم بيلجأ إليه كتير من الناس بعد المرض، وهو بيساعد في تقليل الالتهاب، خاصة التهاب الحلق. كمان بيساعد الزنجبيل في تقليل حالة الشعور بالغثيان المصاحبة للأمراض المعدية.
وبيساعد الزنجبيل في تقليل الألم المزمن، وبيمتلك خصائص خافضة للكوليسترول.
السبانخ
السبانخ غنية بفيتامين “سي”، كمان مليانة بكيتر من مضادات الأكسدة و”بيتا كاروتين”، وده بيزيد من قدرة أجهزة المناعة عندنا على مكافحة العدوى.
الزبادي
الزبادي بيحفز جهازك المناعي للمساعدة في مكافحة الأمراض. حاول الحصول على الزبادي العادي بدل الأنواع اللي فيها سكر، وتقدر تحلي الزبادي العادي بنفسك بإضافة الفواكه الصحية أو العسل.
وبيعتبر الزبادي مصدر لفيتامين “د”، اللي بيساعد على تنظيم عمل جهاز المناعة، وبيعتقد أنه بيعزز دفاعات الجسم الطبيعية ضد الأمراض.
اللوز
اللوز غني بفيتامين “إي” القابل للذوبان في الدهون، وده بيخليه عنصر مهم في امتصاص الدهون بشكل صحيح.
والمكسرات إجمالًا مليانة بالفيتامينات. ويكفيك يوميًا نصف كوب صغير من اللوز المقشر علشان توفر لك الكمية الموصى بها يوميًا من فيتامين “إي”.
الشاي الأخضر
الشاي الأخضر والأسود مليء بمادة “الفلافونويد”، وهو نوع من مضادات الأكسدة. لكن الشاي الأخضر يتفوق على الأسود في احتوائه على مضادات أكسدة قوية تانية. وثبت أن مادة EGCG الموجودة في الشاي الأخضر بتعزز وظيفة المناعة.
والشاي الأخضر كمان مصدر هايل للحمض الأميني، اللي بيساعد في إنتاج مركبات مقاومة للجراثيم في خلايا الجسم.
مقترح
الحياة في كايرو
شارع الألفي.. باريس في قلب القاهرة
أهم مباني شارع الألفي تاريخ شارع الألفي +3
الحياة في كايرو
