The Definitive Guide to Living in the Capital , Cairo , Egypt

كتير مننا بيدوروا على فرصة شغل جزء من الوقت “بارت تايم”، سواء لظروفهم العائلية أو لزيادة الدخل أو غيره، وعلشان كده جت فكرة أبلكيشن “خطوتين”، واللي ظهر في مصر بسبب تأثر مؤسسه بمشكلة الأمهات في شركته، واللي بيسيبوا أولادهم عدد ساعات طويلة، وبيبقوا طول الوقت قلقانين عليهم، كايرو 360 هتعرفكم على التطبيق أكتر في الموضوع ده.

بيقول “أحمد باشا” صاحب فكرة أبلكيشن “خطوتين”، إنه بالصدفة عمل دراسة عن الشغل ومشاكله، ووجد أن فئة الأمهات الموظفات أكثر فئة مطحونة، ومافيش حل يلبي احتياجتهن، وحتى الشغل من البيت لعدد ساعات طويلة مش مريح لهن، وبالتالي كان لازم يكون فيه حل، ومن هنا جت فكرة أبلكيشن “خطوتين”.

خطوتين بيعتمد على فكرة توفير شغل جزئي “بارت تايم”، في أماكن قريبة من البيت وبيعتمد على توفير وظائف عن طريق اللوكيشن، وده مش متوفر للسيدات من كل الأعمار فقط، لكن للرجال من كل الأعمار كمان، والشغل بيكون عدد ساعات العمل فيه مايزيدش عن 6 ساعات بحد أقصى، وبمرتب شهري ثابت.

طريقة استخدام التطبيق سهلة جدًا، بمجرد تحميله هتقدروا تعرفوا كل الفرص المتاحة ليكم بالقرب من مكان سكنكم.

ً تقدروا تحملوا أبلكيشن “خطوتين” علشان تدوروا على الشغل المناسب لكم من هنا.

وعلشان تعرفوا أكتر عن الموضوع زوروا صفحتهم على الفيسبوك من هنا.