The Definitive Guide to Living in the Capital , Cairo , Egypt

رغم زيادة انتشار فيروس “كورونا” المستجد (كوفيد 19) في عالمنا، إلا إن كتير من أماكن العمل لسة مش معترفة بالعمل من المنزل لحد النهارده، علشان كده من المهم نحافظ على صحتنا وحياتنا داخل أماكن شغلنا مهما كانت طبيعته، وسلامتكم أولًا وأخيرًا هي الأهم، علشان كده هنقولكم على 5 نصائح طبية تلتزموا بيها في شغلكم هتحميكم من الإصابة بـ “كورونا”، واللي بتقدمها لنا دكتورة سوزان فتحي، أخصائي العناية المركزة بمستشفى المعادي العسكري.

1- الالتزام بالإجراءات الاحترازية أثناء الذهاب والعودة من العمل، وعدم خلع الكمامة نهائيًا، والحفاظ على التباعد في وسائل المواصلات بقدر الإمكان.

2- استخدام كحول بنسبة 70% لتعقيم مكان العمل وكل الأدوات المستخدمة، والالتزام بالمسافة الآمنة بين زملاء العمل على الأقل 1 متر.

3- مهم إقناع أصحاب العمل بتخفيف العمالة في أماكن التشغيل، وده علشان يتفادوا الزحمة ومنع انتشار العدوى في حالة إصابة واحد من الموظفين بأي شكل.

4- غسل الإيدين باستمرار بالماء والصابون أو الكحول وتعقيم مقابض الأبواب والحمامات بشكل دائم.

5- التهوية الجيدة للمكان ومنع السلام بالإيد واستخدام المناديل الورقية في حالة العطس أو الكحة.

فريق كايرو 360 بيتمنى لكم كل السلامة والصحة.