The Definitive Guide to Living in the Capital , Cairo , Egypt

كلنا عارفين إن للسفر 7 فوائد، بس اللي ممكن ناس كتير ما تعرفوش إن ليه كمان 7 طرق للحجز لو قررت تسافر بالقطار من القاهرة! 

القطارات من أقدم وأسهل وسائل السفر في مصر، وبتغطي أكتر من 90٪ من الجمهورية، ودايمًا الهيئة بتطور خدماتها علشان تضمن تجربة سفر مريحة وآمنة للمصريين والأجانب.

وقبل ما نبدأ، خلي بالك إن فيه أنواع مختلفة من القطارات: الروسي، الروسي المكيف، الإسباني المكيف، VIP، التالجو، وقطارات النوم وغيرها.

ودي 7 طرق تقدر تحجز بيهم تذاكر القطارات من القاهرة:

1- من شباك التذاكر في المحطات الرئيسية زي: رمسيس، بشتيل، والجيزة.

2- عن طريق الموقع الإلكتروني لهيئة السكة الحديد، تقدر تدخل وتحجز بكل سهولة من هنا.

3- من مكاتب الهيئة المنتشرة (حوالي 16 مكتب في القاهرة والجيزة)، وكتير منهم مخصص لفئات معينة زي كبار السن أو ذوي الهمم.

4- ماكينات التذاكر الذاتية (TVM): متوفرة بـ4 ماكينات في محطة رمسيس، وماكينة واحدة في محطة الجيزة.

5- عن طريق تطبيق الموبايل الرسمي للهيئة: لمستخدمي أندرويد حملوه من هنا، ولمستخدمي iOS حملوه من هنا.

6- من خلال وكلاء الدفع الإلكتروني المتعاقدين مع الهيئة زي: فوري – أمان – ضامن – ماچيـك باي – خدماتي – أو باي – طلقة وغيرهم.

7- الخدمة الصوتية لحجز القطارات المكيفة والفاخرة: من الموبايل: 1661 ومن الخط الأرضي: 09000661. (الحجز متاح لمدة 15 يوم قبل السفر وحتى قبل القطر ما يقوم بساعة واحدة).