من فوق جبال سيناء: مصر بتبني أكبر مرصد فلكي في الشرق الأوسط
أكبر مرصد فلكي في الشرق الأوسط استكشاف الفضاء من مصر الاكتشافات الفلكية التلوث الضوئي والرصد الفلكي الرصد الفلكي في مصر الفضاء والتكنولوجيا المرصد البصري والراديوي المرصد الفلكي الجديد في مصر المعهد القومي للبحوث الفلكية تطوير البحث العلمي في مصر تلسكوب بمرآة 6.5 متر جبل الرجوم جنوب سيناء علوم الفضاء في الوطن العربي مدينة فلكية في مصر مرصد القطامية مرصد سيناء الفلكي مستقبل الفلك في مصر مشاريع علمية في سيناء مصر وعلوم الفضاء مواقع الرصد الفلكي
Cairo 360
الصورة الرئيسية: Bogdan Nanescu
الصورة الداخلية: NASA Hubble Space Telescope
في لحظة بنحاول فيها نرجّع لمصر مكانتها الريادية في مجالات العلم والبحث، بيظهر مشروع المرصد الفلكي الجديد في جنوب سيناء كواحد من أجرأ المشاريع اللي بتعكس طموح علمي حقيقي. من على ارتفاع أكتر من 1600 متر فوق سطح البحر، على قمة جبل الرجوم، مصر بتأسس حاليًا أكبر مرصد فلكي في الشرق الأوسط، وهيكون بمثابة نقطة تحول في مستقبل علوم الفضاء والرصد الفلكي في المنطقة.
المرصد الجديد، اللي هيبقى بديل لمرصد القطامية العريق، مش بس هيتبني في موقع بعيد تمامًا عن التلوث، لكنه كمان هيكون مجهز بتكنولوجيا متقدمة جدًا، أبرزها منظار فلكي بمرآة قطرها 6.5 متر، علشان يفتح الباب لاكتشافات فلكية جديدة تضع اسم مصر على خريطة الأبحاث العالمية.
ما يفوتكش: مرصد القطامية الفلكي.. كنز علمي في قلب صحراء القاهرة
جبل الرجوم: اختيار ماكانش صدفة
بحسب تقرير نشره موقع اليوم السابع، الموقع الجديد للمرصد اتحدد بعد دراسات طويلة، وتم اختياره بعناية علشان يكون في منطقة مرتفعة جدًا وبعيدة عن أي مصادر ضوء صناعي. جبل الرجوم في جنوب سيناء مش بس واحد من أعلى 20 قمة جبلية في مصر، لكنه كمان بيتميز بظروف مناخية مثالية للرصد الفلكي.
من أبريل 2024، بدأ المعهد القومي للبحوث الفلكية في تنفيذ خطة الاختبارات الدقيقة للموقع. تم تركيب أجهزة متطورة بتقيس كل حاجة من صفاء الجو لمدى استقرار درجات الحرارة، ومتابعة القياسات دي بيتم بشكل مستمر عن طريق الأقمار الصناعية، لتحليلها داخل معامل المعهد في حلوان.
مدينة فلكية كاملة في قلب سيناء
الخطة مش بتقف عند إنشاء مرصد واحد، لكن المشروع بيشمل مدينة فلكية متكاملة، هتضم أنظمة للرصد البصري والفلك الراديوي، وكمان هتفتح المجال قدام الباحثين لتخصصات جديدة في علوم الفضاء، خاصة مع التطور التكنولوجي السريع في المجال ده على مستوى العالم.
والأهم من كده، إن المشروع هيكون مركز جذب لتبادل الخبرات مع علماء الفلك في دول العالم، وهيخلق فرص جديدة للشباب الباحثين في مصر.
مين ورا المشروع؟
وراء الحلم ده فريق علمي مصري بالكامل، بقيادة الدكتورة هادية سليم، رئيسة لجنة منظار سيناء الفلكي، ومعاها نخبة من الباحثين والخبراء زي: يسري عزام، محمد إسماعيل، محمد عبدالكريم، عبدالعزيز عيد وغيرهم، وكلهم بيشتغلوا بإصرار علشان يوصلوا بالمشروع لأعلى المعايير الدولية.
مقترح
الحياة في كايرو
من فوق جبال سيناء: مصر بتبني أكبر مرصد فلكي في الشرق الأوسط
أكبر مرصد فلكي في الشرق الأوسط استكشاف الفضاء من مصر +18
معالم وسياحة
جولة في ميت رهينة: حكايات قدماء المصريين في متحف مفتوح تحت سماء الجيزة
آثار البدرشين آثار مصر الفرعونية +11
تسوق
