دليلك الكامل للوصول لمحطات الأتوبيس الترددي الجديد على الدائري!
brt الأتوبيس الترددي الطريق الدائري القاهرة الكبرى النقل الذكي النقل المستدام كباري وأنفاق مشاة محطات الأتوبيس الترددي مشروع BRT مواصلات القاهرة وزارة النقل
Cairo 360
وزارة النقل بدأت التشغيل التجريبي لأول مرحلة من مشروع الأتوبيس الترددي السريع BRT على الطريق الدائري، واللي هيبدأ فعليًا في يونيو الجاي، وده نقلة نوعية في المواصلات داخل القاهرة الكبرى.
المشروع ده بيستهدف تقليل الزحمة وتقديم وسيلة مواصلات سريعة، آمنة، وصديقة للبيئة.. وطبعًا إحنا في كايرو 360 جهزنا لك دليل بسيط هيعرفك إزاي توصل لمحطات المرحلة الأولى من الأتوبيس الترددي؟
المرحلة الأولى في سطور:
الطول: 35 كم.
عدد المحطات: 14 محطة.
المسار: من محطة أكاديمية الشرطة لحد تقاطع الطريق الدائري مع طريق إسكندرية الزراعي.
نوع المحطات: سطحية، لكن بتوصل ليها عن طريق أنفاق أو كباري مشاة.
محطات المرحلة الأولى.. وإزاي توصل لكل محطة:
محطة إسكندرية الزراعي
بتخدم مناطق: طريق مصر – إسكندرية الزراعي، بنها، طوخ، قليوب، شبرا الخيمة
الوصول ليها سهل من الطريق الرئيسي
محطة العقيد أحمد عبدالرحيم (الشرقاوية)
بتخدم: ميت حلفا وميت نما
تقدر توصل لها من نفق مشاة مخصوص
محطة شبرا بنها
بتخدم: المتجهين لطريق شبرا بنها الحر ومحور الفريق العصار
الوصول من نفق مشاة
محطة بهتيم
بتخدم: بهتيم، غرب شبرا الخيمة، شارع نادي إسكو
فيها كوبري مشاة بيوصلك للمحطة
محطة مسطرد
بتخدم: مسطرد، ترعة الإسماعيلية، طريق بلبيس، الأميرية، المطرية
تقدر توصلها من نفق مشاة
محطة الخصوص
بتخدم: الخصوص والعزب المحيطة
الوصول من نفق مشاة مخصص
محطة المرج
بتخدم: المرج الجديدة، محور المرج-الخانكة
مربوطة بخط المترو الأول (محطة المرج)
الوصول عن طريق نفق مشاة
محطة القلج
بتخدم: منطقة القلج، طريق محمد نجيب
الوصول من نفق مشاة
محطة مؤسسة الزكاة
بتخدم: مؤسسة الزكاة، عين شمس، والقرى المجاورة
الوصول مباشر من المنطقة
محطة الفريق إبراهيم عرابي
بتخدم: شارع الـ100، منطقة الحرفيين
سهلة الوصول من شارع الـ100
محطة السلام
بتخدم: موقف السلام، مدينة النهضة، استاد السلام
فيها نفق مشاة بيوصلك بسهولة
ليه الأتوبيس الترددي مهم؟
بيساعد يقلل الزحمة على الطريق الدائري
بيقدم تجربة مواصلات حديثة وآمنة
بيشتغل بطاقة نظيفة وصديقة للبيئة
مناسب للي رايحين شغلهم أو متنقلين بين أطراف القاهرة
مقترح
تسوق
عيد الأضحى 2025: 5 أماكن تشتري منهم أحلى لحمة بلدي أو مستوردة بجودة مضمونة!
أفضل أماكن اللحمة أماكن لحمة في القاهرة +8
الحياة في كايرو
