The Definitive Guide to Living in the Capital , Cairo , Egypt

هل تفتكروا فيلم “ابنتي العزيزة” بطولة نجاة ورشدي أباظة؟ في واحدة من مشاهد الفيلم، ظهرت صديقة نجاة المقربة بدور بسيط لكنه لافت، وكانت هي ماجدة صالح… مش بس ممثلة صاعدة وقتها، لكن أول فتاة مصرية تحترف فن الباليه وتكتبه باسمها في التاريخ.

ماجدة صالح كانت واحدة من أوائل دفعة معهد الباليه وقت افتتاحه سنة 1958، ومنه بدأت رحلتها الفنية اللي وصلت بيها لأكبر المسارح في العالم. وقفت على خشبة مسرح البولشوي الشهير، وقدّمت عروض مبهرة في الكرملين ومجموعة من أهم مسارح الاتحاد السوفيتي في جولة فنية استثنائية في السبعينيات.

ماجدة موقفتش عند الفن بس، درست ونالت ماچستير من جامعة كاليفورنيا، ثم دكتوراة في تاريخ الرقص المصري من جامعة نيويورك، وبقت أول عميدة للمعهد العالي للباليه، وأول سيدة تترأس دار الأوبرا المصرية.

وفي 2019، تم افتتاح قاعة لتعليم الباليه باسمها في الصعيد… وبعد رحلة طويلة من الشغف والإبداع والتعليم، رحلت عن دنيانا في 11 يونيو 2023.

بس أثرها لسه حيّ.. في كل بنت بتحلم ترقص باليه.