The Definitive Guide to Living in the Capital , Cairo , Egypt

رنا شرف

الصورة الرئيسية: Karem Elhindy

الصورة الداخلية: Mhmd Sedky

الصيف يعني خروج وسفر ولمة، حتى لو الحر مش بيرحم! بس في النهاية، شوية بحر ورملة وشمس ممكن يكونوا كفاية علشان ترجع شغلك أو دراستك بنفسية حلوة ومود رايق.

وعلشان الوقت الضيق والأسعار اللي بقت نار، جمعنالك 3 وجهات قريبة من القاهرة، مناسبة جدًا لويك إند مختلف ومنعش، وفي نفس الوقت على قد الإيد!

1. العين السخنة

من أقرب وأسرع الوجهات من القاهرة، تقريبًا ساعة ونص بالعربية وتكون على البحر! مشهورة بشواطئها الجميلة، والمية هناك شفافة ودافية، وده اللي بيخلي السخنة دايمًا ترشيح مثالي.

هتلاقي شاليهات، قرى سياحية، وفنادق بكل المستويات. من الأماكن اللي ممكن تبدأ بيها: فندق “لاسيرينا”، فندق 4 نجوم، مناسب للعائلات وفيه خدمات كويسة وسعره يعتبر معقول مقارنة بالخدمة.

2. الفيوم

مدينة هادية، بس مليانة مفاجآت حلوة! من بحيرة قارون، لوادي الريان الساحر، لمحمية وادي الحيتان، الفيوم بقت وجهة سياحية تستاهل اليومين.

لو بتفكر في مبيت، جرب فندق “نيو بانوراما، 3 نجوم وسعره مناسب جدًا، وكمان نضيف ومريح.

3. الإسكندرية

هي مش بس عروس البحر، دي كمان عشق لكل اللي زارها! تاريخ، بحر، أكل، كافيهات، وكل حاجة على مزاجك.

سواء رايح يوم صد رد أو ناوي تبات، هتلاقي اختيارات تناسب كل الميزانيات. 

من الفنادق الكويسة وسعرها لطيف: فندق “دار السلام”، موجود في العطارين، بسيط ونضيف وقريب من كل حاجة.