The Definitive Guide to Living in the Capital , Cairo , Egypt

رنا شرف

الصورة الرئيسية: Zoe

التورتة والجاتوهات من الحاجات اللي صعب نقول لها لأ! سواء بتحبهم مع النسكافيه، أو كوجبة حلوة في نص اليوم، دايمًا ليهم مكانة في قلوبنا.. بس مع الأسعار اللي بقت نار، ناس كتير بدأت تفكر تعمل الحلويات دي في البيت، خصوصًا لو فيه عندهم مناسبة أو عزومة.

علشان كده جبنالك 5 أماكن مميزة في القاهرة تقدر تشتري منها كل مستلزمات الحلويات، من الأدوات للخام، بأسعار معقولة وخامات مضمونة.

ياسر التوحيد – الهرم

من أشهر وأقدم المحلات المتخصصة في مستلزمات الحلويات في الهرم. هتلاقي عنده كل حاجة من أدوات التزيين، للصوصات زي الكراميل والفراولة، وكمان الشوكولاتة بأنواعها. مش بس كده، كمان فيه قواعد التورت الجاهزة والاسبونج كيك لو عايز تشتغل على جاهز.

اعرف أكتر عن المكان من هنا.

شوكولاتة وفانيليا – 6 أكتوبر

محل معروف بخاماته الممتازة وتنوعه. من صوصات البستاشيو والمارشميلو والمانجو، لقوالب الحلويات المميزة. هتلاقي فيه كل جديد في عالم الحلويات، خصوصًا لو بتحب الابتكار في التزيين.

اعرف أكتر عن المكان من هنا.

Mix.Bake – المعادي

مكان متكامل لمستلزمات الحلويات والكيكات. عندهم ألوان التزيين، شوكولاتة شيبس، علب حفظ التورت، وكمان مربى وشوكولاتات جاهزة للاستخدام.

لو بتحب تشتري كل حاجتك من مكان واحد، المكان ده هيبسطك.

اعرف أكتر عن المكان من هنا.

رامي زونا – أونلاين ومنافذ بيع

من الأماكن اللي اسمها بقى معروف عند محبي الحلويات. هتلاقي فيه كل حاجة: من الألوان والاسانسات، للدقيق واللبن البودرة، وقوالب الشوكولاتة بأشكال مختلفة.

ولو بتدور على خامات بدون جلوتين، هو كمان بيقدّم اختيارات مناسبة.

اعرف أكتر عن المكان من هنا.

رويال تريد لخامات الحلويات – القاهرة

مكان كبير ومتخصص في خامات الحلويات عالية الجودة. عنده صوصات بأنواعها، كريم شانتيه خام، وحشوات فواكه طبيعية زي الفراولة والبلوبيري. اختياراته مناسبة للمحترفين وكمان للهواة اللي بيحبوا الجودة.

اعرف أكتر عن المكان من هنا.

وأخيرًا..

لو بتخطط تعمل تورتة عيد ميلاد، أو حتى تورتة بسيطة للبيت، الأماكن دي هتكون بداية ممتازة! جرب وشاركنا صورتك بعد ما تخلص التحفة بتاعتك.