The Definitive Guide to Living in the Capital , Cairo , Egypt

الصورة الرئيسية: Christin Hume

لو كنت طالب في ثانوي عام ولسه ماقدمتش في تنسيق المرحلة التانية للجامعات 2025، السطور الجاية هتهمك جدًا! هتلاقي فيها خطوات تسجيل الرغبات على موقع التنسيق الإلكتروني بطريقة سهلة وواضحة، وكمان هنقولك إمتى النتيجة هتظهر بعد ما يقفل باب التسجيل رسميًا.

إزاي تسجل رغباتك في تنسيق المرحلة التانية؟

وزارة التعليم العالي فتحت باب التسجيل للمرحلة التانية من يوم الأربعاء 6 أغسطس، وهيفضل مفتوح لحد السبت 10 أغسطس.
ودي الخطوات اللي لازم تمشي عليها:

1. ادخل على موقع التنسيق الإلكتروني: (من هنا).

2. اكتب رقم جلوسك والرقم السري اللي على استمارة الثانوية العامة.

3. اختار رغباتك بالترتيب اللي يناسبك، وخلّي بالك من قواعد التوزيع الجغرافي.

طيب ترتب الرغبات إزاي؟

ممكن تختار الرغبات حسب التخصص أو حسب الجامعة.

النظام بيعرضلك الكليات والمعاهد المسموح بيها حسب شعبتك ومجموعك.

تقدر تتنقل بين التخصصات المختلفة بشرط تستوفي الشروط.

بعد ما تخلص، اطبع إيصال الرغبات كنسخة رسمية فيها رقمك وتاريخ التقديم.

الحد الأدنى لتنسيق المرحلة التانية:

علمي: من 220 درجة (يعني 68.75٪) لحد أقل من الحد الأدنى للمرحلة الأولى.

أدبي: من 205 درجات (يعني 64.06٪) لحد أقل من الحد الأدنى للمرحلة الأولى.

إمتى النتيجة هتظهر؟

النتيجة هتظهر خلال 72 ساعة من غلق باب التسجيل، يعني متوقع تكون بين 11 و12 أغسطس.

كل اللي عليك وقتها تدخل على الموقع وتختار “نتيجة تنسيق المرحلة الثانية 2025″، وتكتب رقم جلوسك والرقم السري، وهتشوف بطاقة ترشيحك فيها اسم الكلية أو المعهد اللي اتقبلت فيه.

بعد ما النتيجة تظهر.. تعمل إيه؟

اتأكد إن بياناتك صح.

تابع موقع الكلية أو المعهد اللي اتقبلت فيه علشان تعرف مواعيد التقديم والمستندات المطلوبة.

جهز الورق: أصل شهادة الثانوية، بطاقة الرقم القومي، صور شخصية، وغيرها.

بالتوفيق يا طلاب القاهرة!