تطوير القاهرة الخديوية.. وسط البلد هتبقى متحف مفتوح بيحكي تاريخ القاهرة وتراثها
إحياء القاهرة الخديوية تطوير القاهرة الخديوية تطوير حديقة الأزبكية تطوير سوق العتبة سور الأزبكية للكتب متحف مفتوح في القاهرة مشروع تطوير وسط البلد
Cairo 360
الصور: رئاسة مجلس الوزراء
القاهرة الخديوية، قلب العاصمة اللي اتبنت من أكثر من 150 سنة، راجعة من جديد بشكل مختلف. مشروع التطوير اللي بيتم دلوقتي بيحول الميادين والشوارع والمباني التراثية في وسط البلد للوحة فنية كبيرة بتجمع بين التاريخ والحياة المعاصرة.
التطوير مش مجرد تجميل للواجهات، لكنه عملية دقيقة لإحياء الطابع المعماري الأصلي للمنطقة، من إزالة التشوهات البصرية وتوحيد لافتات المحلات، لحد ترميم الزخارف والكرانيش على إيد متخصصين في الحفاظ على التراث.
إيه هي أبرز الملامح اللي ظهرت مؤخرًا بشكل أجمل في وسط البلد؟
حديقة الأزبكية: تم تجديدها، مع مسرح روماني ونافورة أثرية ومناطق خضراء معمولة بعناية للحفاظ على الأشجار التاريخية.
سور الأزبكية للكتب: تطور بشكل حضاري جديد، والأكشاك اتحملت أسماء أدباء ومفكرين كبار علشان تفضل المنطقة مرتبطة بتاريخها الثقافي.
سوق العتبة: بيتم تحويله من سوق عشوائي لمركز حضاري وتجاري منظم، مع الحفاظ على الهوية التراثية للمكان.
مناطق للمشاة: زي مثلث الشريفين والبورصة، اللي هتبقى وجهات مفتوحة للناس وسط المباني الخديوية.
المشروع في النهاية بيستهدف إنه يخلي وسط القاهرة “متحف مفتوح”، مكان يتلاقى فيه التاريخ مع الناس في حياتهم اليومية، ويحافظ على مكانة القاهرة كعاصمة للفن والثقافة والسياحة.
سواء كنت من عشاق التراث، أو من المهتمين بمستقبل القاهرة، وسط البلد في طريقها تبقى واحدة من أجمل مناطق العاصمة بعد ما كانت مهملة لسنين طويلة.
