ساكن في “إيجار قديم”؟ اعرف إزاي تحصل على شقة تمليك بسعر مناسب (رابط وخطوات التقديم)
إعادة تنظيم العلاقة بين المالك والمستأجر تسجيل الإيجار القديم تقديم طلبات الإيجار القديم خطوات إنشاء حساب مصر الرقمية صندوق الإسكان الاجتماعي قانون الإيجار القديم كيفية التسجيل في مصر الرقمية منصة مصر الرقمية وزارة الإسكان
Cairo 360
الصورة: Nourhan Sabek
وزارة الإسكان أعلنت رسميًا عن إطلاق المنصة الإلكترونية الموحدة الخاصة بالمواطنين المخاطبين بقانون الإيجار القديم وإعادة تنظيم العلاقة بين المالك والمستأجر. وده بيتم من خلال منصة مصر الرقمية بداية من الجمعة 3 أكتوبر 2025.
من النهارده أي مواطن مخاطب بالقانون يقدر يدخل على منصة مصر الرقمية ويبدأ في إنشاء حساب إلكتروني خاص بيه، وده شرط أساسي قبل ما يبدأ يملأ النموذج الإلكتروني للتقديم اللي هيتاح من نهاية الأسبوع التاني من أكتوبر ولمدة 3 شهور كاملة.
الخطوات سهلة:
- الدخول على الموقع الرسمي لمنصة مصر الرقمية واختيار “إنشاء حساب”. (رابط الموقع الرسمي هنا).
- إدخال البيانات المطلوبة: الرقم القومي الساري، رقم المصنع الموجود أسفل صورة البطاقة، اسم الأم الأول بالعربي، رقم موبايل مسجل باسم المواطن، وبريد إلكتروني (اختياري).
- استلام كود تحقق على الموبايل وإدخاله.
- إنشاء كلمة مرور قوية وتأكيدها، وبكده الحساب بيتفعل بنجاح.
بعد كده، المواطن هيقدر مع نهاية الأسبوع التاني من أكتوبر يستكمل النموذج الإلكتروني اللي بيشمل بيانات عن الوحدة المؤجرة سواء سكنية أو غير سكنية، عنوانها، وصفها، والمقيمين فيها. المرحلة دي مش هتطلب مستندات.
ما يفوتكش كمان: احسب إيجار شقتك بعد تعديل قانون الإيجارات القديمة حسب منطقتك في القاهرة
كمان الوزارة خصصت 500 مكتب بريد مميكن في الجمهورية لمساعدة المواطنين اللي يواجهوا صعوبة في التسجيل بأنفسهم، والتفاصيل الكاملة عن المكاتب دي هتتعلن قريب.
التقديم هيستمر 3 شهور، مع إمكانية المد بقرار من مجلس الوزراء. بعدها المواطنين هيتطلب منهم مستندات إضافية زي مستندات الدخل أو ما يثبت العلاقة الإيجارية. النتايج هتُعلن على نفس المنصة وهيتبعت لكل مواطن رسالة نصية بالموقف النهائي لطلبه.
مقترح
فن وثقافة
معرض الزمالك للكتاب 2025: كتب وفعاليات وورش وعروض فنية مميزة مجانية (اعرف التفاصيل)
أحداث ثقافية في أكتوبر أماكن ترفيهية مجانية في القاهرة +11
الحياة في كايرو
