5 مطاعم للحواوشي المصري الأصيل.. كل رغيف بحكاية!
أشهر حواوشي أفضل حواوشي في القاهرة تاريخ الحواوشي حواوشي الربيع إمبابة حواوشي الرفاعي حواوشي العائلات حواوشي في القاهرة حواوشي في مصر الجديدة حواوشي مصري مطاعم حواوشي مميزة مطعم الحواوشي الأصلي مطعم شلبي
Mohamed Talaat
مع بدايات الخريف وانخفاض درجات الحرارة كتير من الشعب المصري بيستغل الفرصة في أنهم ياكلوا أكل مصري يشبع وكمان يدفي لو الجو فيه برودة وخاصة بالليل، وبما أن الأكلات المصرية لما تذكر لازم يكون الحواوشي جزء منها قررنا النهاردة نعرفكم على 5 مطاعم بتقدم حواوشي مصري مميز وهتلقوا قصة في كل قطمة بتحكي عن تتبيلة وجودة وطعم مختلف.
الحواوشي الأصلي
أصل الحواوشي في مصر كان عن طريق اختراع الحاج محمد مصطفى الحواوشي وهو في الأصل تاجر لحوم، ومازال مطعمهم موجود في مصر الجديدة وتم اختراع الحواوشي عام 1930، وأصل التسمية كان نسبة لاسم العائلة.
العنوان: 63 شارع الحجاز – مصر الجديدة.
رقم التليفون: 0227712203
تقدروا تعرفوا أكتر عنهم من خلال صفحة الفيسبوك من هنا.
شلبي
بدأت الحكاية عام 1960 وهو معروف أكتر للناس القديمة وكان ومازال من أشهر مطاعم الحواوشي في وسط القاهرة، وبيقدم اختراعات مختلفة عن الحواوشي الكلاسيكي زي “الطرب – اللية – على الفحم – الروزبيف” وغيرهم من الأطعمة المختلفة المتميزة.
العنوان: 146 شارع فيصل – برج خالد – ناصية المستقبل
رقم التليفون: 01141430044
تقدروا تعرفوا أكتر عنهم من خلال صفحة الفيسبوك من هنا.
الرفاعي
يعتبر الأشهر في عالم الحواوشي وهو تخصصه من سنة 1969 وعندهم حواوشي متنوعة سادة وبالجبنة وبالسجق وبالخضروات وغيرها، ولهم حاليًا فروع في أماكن كتير بالقاهرة.
العنوان: 87 شارع الشيخ ريحان – أمام قصر عابدين.
رقم التليفون: 15017
تقدروا تعرفوا أكتر عنهم من خلال صفحة الفيسبوك من هنا.
العائلات
من أرخص الأماكن اللي بتبيع حواوشي وهو الأشهر في مصر الجديدة وبيقدموا رغيف الحواوشي بداية من 20 جنيه، ومازال محافظ على الحواوشي الكلاسيكي بزيته وتتبيلته التقيلة، وهو موجود من التسعينات ولكن غير معروف تاريخ تأسيسه.
العنوان: 69 شارع عثمان بن عفان – ميدان سفير – مصر الجديدة.
رقم التليفون: 0224192843
تقدروا تعرفوا أكتر عنهم من خلال صفحة الفيسبوك من هنا.
الربيع
رغم أن محل الجزارة الخاص بحواوشي الربيع تأسس من 60 سنة وأكتر إلا أن المطعم اللي بدأ برغيف حواوشي حديث عهد ولكنه قدر يكون عملاق في تقديم رغيف حواوشي مميز وبنكهة مصرية أصيلة ولحمة بلدي.
العنوان: شارع محمد الامبابي – مدينة التحرير – إمبابة.
رقم التليفون: 17198
تقدروا تعرفوا أكتر عنهم من خلال صفحة الفيسبوك من هنا.
تفتكروا هل فيه مطاعم حواوشي في القاهرة مميزة وتستحق الكتابة عنها، ولو جربتوا واحد من المطاعم اللي بنقترحها عرفونا رأيكم فيها ايه.
مقترح
معالم وسياحة
كوبري المانسترلي.. خروجة خريفية على النيل مش هتكلفك ولا مليم! (صور)
آثار القاهرة أم كلثوم +10
الحياة في كايرو
