The Definitive Guide to Living in the Capital , Cairo , Egypt

الستيك دايمًا له سحر خاص لعشّاق الأكل الراقي، بس لما تيجي تدور على أحسن مطعم ستيك في القاهرة، الخيارات بتكون كتير جدًا وبتحتار تختار مين! علشان كده، فريق كايرو360 عمل بحث وتجارب على الأرض علشان يرشح لك أفضل 5 مطاعم ستيك في القاهرة اللي بتجمع بين جودة اللحمة العالية، الطهي المثالي، والخدمة اللي تليق بسهرة فاخرة أو مناسبة مميزة.

المطاعم دي مش بس أماكن للأكل، دي تجارب كاملة من أول ما تدخل لحد آخر لقمة.. خلونا نبدأ جولتنا معاكم!

رومانوف

مطعم فاخر يمتزج بالرومانسية وبيقدم وجبة ستيك ملوكي، واسمه مستوحى من عائلة حكام روسيا العظماء، والستيك عندهم بيتحضر بعناية وجودة عالية في التفاصيل وأشهر طبق عندهم ستيك شاتوبريان وهو مناسب للكابلز.

العنوان: فندق كمبنيسكي – التجمع الأول

تقدروا تعرفوا أكتر عنهم من خلال موقعهم الإلكتروني من هنا.

JW Steakhouse

هو الأفضل على الاطلاق وبيتميز بشرائح لحم بقري كلاسيكية فاخر معتمد من وزارة الزراعة الأمريكية وبيفضلها الكثير من الناس لأنه بيحضر حسب طلبهم، ورغم سعره العالي إلا أنه بيشهد اقبال مميز وخاصة أن كل قطعة لحم بيتم اختيارها بعناية وتتبيلها وتسويتها بطريق عالمية بتخلي التجربة كاملة متكاملة، وده بخلاف الرقي في الخدمة وديكور المطعم اللي هيخلوا زيارتكم فريدة.

العنوان: فندق ماريوت – شارع 26 يوليو – الزمالك.

تقدروا تعرفوا أكتر عنهم من خلال موقعهم الإلكتروني من هنا.

كسودو

هتلاقوا أشهى قطعة ستيك من اللحم البرازيلي والمشوي على طريقة التشوراسكاريا  والباريكيو البرازيلية الأصلية، وبيتميز المطم بمزج النكهات لتقديمة تجربة لا تنسى وتختلف عن الآخرين، وخاصة أن البقر البرازيلي معروف عنه أن رعايته بتعتمد على المراعي الطبيعية.

العنوان: شارع النيل – مركب فيرست – الجيزة.

تقدروا تعرفوا أكتر عنهم من خلال موقعهم الإلكتروني من هنا.

The Smokery

رغم جودته الممتازة وتقييمه العالي إلا أنه مش مشهور زي ما سبق من براندات متميزة، وبينفردوا بتقديم لحم ستيك فريد “سموكيري” بطرق طهية وقطع لحم ذات طابع خاص.

العنوان: 58 شارع بيروت – مصر الجديدة.

تقدروا تعرفوا أكتر عنهم من خلال موقعهم الإلكتروني من هنا.

The Grill

قطع اللحم عندهم بيتم تعتيقها لمدة 28 يوم وبيتم الشوي بنكهات فريدة على الطريقة الفرنسية التقليدية والمعاصرة اللي بتحافظ على الحفاظ على النكهات الطبيعية في كل قطعة لحم، مع أجواء متميزة على النيل، وهو من مطاعم الستيك المصنفة كمطاعم رومانسية متميزة.

العنوان: كورنيش النيل – فندق سميراميس – جاردن سيتي.

تقدروا تعرفوا أكتر عنهم من خلال موقعهم الإلكتروني من هنا.