The Definitive Guide to Living in the Capital , Cairo , Egypt

كم مرة شميتوا ريحة قهوة خطفت قلوبكم، لكن أول ما دقتوها كان الطعم صدمة؟ مرارة مش محبوبة تجبركم تزودوا السكر علشان تقدروا تشربوها. السؤال ده كان الشرارة الأولى وراء ظهور Billy’s Coffee في بورسعيد، تجربة مختلفة لعشاق البن الحقيقي، اعتمدت على فكرة بسيطة لكنها قوية: القهوة لازم يكون طعمها قد ريحتها، ويمكن كمان أحلى.

الحكاية بدأت بسؤال ليه؟ ليه القهوة طعمها مش زي ريحتها؟ صاحب المكان قرر ما يستسلمش للي موجود في السوق، وبدأ رحلة بحث طويلة بين مستوردي ومحمصي البن، وعمل دراسة سوقية على أرض الواقع وعلى الإنترنت، لحد ما وصل لسر المهنة، وهو إن الخامة النضيفة بتفرض نفسها.

اكتشف إن القهوة الأصلية الـ Specialty لما بتيجي من موردين يد أولى وتتحمص صح، مش بس ريحتها قوية وجميلة، لكنها كمان طعمها فيه تسكيرة طبيعية تغني عن أي سكر. ولما حب يتأكد إن مزاجه مش بيخدعه، عمل أصعب اختبار تذوق مع شخص ما بيشربش القهوة أساسا وكان أخوه، والمفاجأة إن أخوه حب طعم القهوة جدا. وكمان شمل الاختبار والدته مريضة السكر اللي استمتعت بفنجان القهوة من غير ما تضيف له سكر. ومن هنا ظهر براند Billy’s Coffee.

من قلب بورسعيد وتحديدا أمام حديقة فريال التاريخية، اتولدت تجربة Billy’s Coffee. وهو مش مجرد كوفي شوب عادي، لكنه حالة بورسعيدية خالصة. صاحب المكان وأخوه قرروا يقدموا ثقافة قبل المشروب، بقعدة رايقة، ومزيكا سمسمية، وروح فنية خلت المكان يتحول لمزار. وكانت النتيجة إن المكان أصبح وجهة لغير المصريين من الأجانب والعاملين بالسفن السياحية، وبقى تقييمه رقم 1 على العديد من المواقع المتخصصة في التقييمات، وبقوا واجهة مشرفة لتقديم الضيافة لوفود دبلوماسية مثل نائبة السفير الهولندي والمحافظ.

البن في Billy’s Coffee مش مقتصر على المكان أو إنكم لازم تسافروا علشان تدوقوا فنجان قهوة مميز، لأنهم وفروا خدمة بيع البن الخاص بيهم. وطبقا لتقييمات الناس، البن يستاهل السفر مخصوص لبورسعيد، لكن تقدروا تطلبوه أونلاين ويوصلكم لحد البيت في أي مكان في مصر من خلال موقعهم الإلكتروني. هتلاقوا مجموعة كبيرة من الأنواع الخاصة بالبن، وهم بيضمنوا جودة الحبوب المتخصصة اللي بتخلي أي فرد يقدر يعمل قهوة وكأنه باريستا متخصص. وهم دايما بيتعهدوا بتقديم فنجان قهوة يليق بمزاج محبي الكافيين.

Billy’s Coffee مش مجرد مشروع عادي، لكنه مشروع عائلي متميز قدر يعمل اسم قوي في عالم البن المتخصص، اللي اتنقى واتحمص بشغف حقيقي، وبقى قصة نجاح مصرية 100 في المية. وإحنا بنشجعكم تجربوه وتستمتعوا بطعم قهوة مميز. الأسعار عندهم لكل 100 جرام تبدأ من 120 جنيه للقهوة التركي، و110 جنيه للقهوة بالشيكولاته، و140 جنيه للقهوة بالهيل، و130 جنيه للقهوة بالبندق، والاسبريسو 250 جرام يبدأ من 380 جنيه.

تقدروا تعرفوا أكتر عنهم من خلال صفحة الفيسبوك من هنا.

وتقدروا تطلبوا منتجاتهم من موقعهم الالكتروني من هنا.