افتكاسات حلويات رمضان 2026 في مصر.. من كنافة الماتشا لبقلاوة التشيز كيك.. الأسعار وأفضل الأماكن
آيس كريم أكل رمضان القاهرة بقلاوة تريس ليتشيس تريند رمضان حلويات رمضان سويت شوب عزومات رمضان كايرو360 كنافة مطاعم القاهرة
Mohamed Talaat
رمضان في مصر يعني لمة، واللمة ماتكملش غير بحلو تقيل على السفرة. وفي 2026 المنافسة بين محلات الحلويات في القاهرة وصلت لمرحلة الاختراعات المجنونة، ميكسات بين الكنافة والتشيز كيك، البقلاوة والتريس ليتشيس، والماتشا دخلت المطبخ الشرقي من أوسع أبوابه. فريق كايرو360 عملكم خريطة كاملة لأبرز افتكاسات حلويات رمضان 2026، مع الأسعار والترشيحات علشان تعرف هتطلب إيه، منين، وبكام.
لكن قبل ما تطلب، خليك عارف إن الحلويات بصفة عامة تقيلة ومليانة سكر ودهون وسعرات، ده غير إن أسعارها عالية، فاطلب بعقل وخطة، وبلاش تكتر في الأكل علشان التجربة تكمل صح.
بيستاشيو سويت.. ابتكارات “أهلاً رمضان” بأسعار على قد الإيد
ومع دخول أجواء رمضان المبهجة، «بيستاشيو سويت» قرر ينافس السنة دي بتشكيلة «أهلاً رمضان» اللي بتلعب على وتر الابتكار في الميكسات، وفي نفس الوقت بتقدم أسعار تعتبر اقتصادية وتناسب شريحة كبيرة، مع الحفاظ على التقديم الشيك اللي يفتح النفس:
كمبوسة (تبدأ من 105 جنيه): اسم يخطف الانتباه لميكس جريء بيجمع بين الكنافة والبسبوسة والتشيز كيك في قطمة واحدة، بتنزل بأطعم مميزة زي (البلوبيري والبيستاشيو) بـ 120 جنيه، وأطعم تانية زي (شوكولاتة بندق ولوتس) بـ 105 جنيه.
ليالي كنافة (تبدأ من 80 جنيه): لعشاق الشياكة في التقديم دي عبارة عن مزيج مبتكر من نكهات الكنافة الشرقية متوزعة في طبقات جوة عبوة شفافة أنيقة، متوفرة بطعم (تيراميسو، بلوبيري تشيز كيك) بـ 105 جنيه، وأطعم تانية غنية زي (شوكولاتة بندق، لوتس، بلح، فراولة، ومانجو) بـ 80 جنيه بس.
رويال كلاي سولو (80 جنيه): تجربة دافية بتفكرنا بأصالة زمان؛ كنافة مخبوزة في طاجن فخار فردي، بتتميز بقرمشتها الدهبية المتوازنة وحشوتها الكريمة الناعمة والغنية اللي بتدوب في البق.
راوند (تبدأ من 37 جنيه): للناس اللي بتحب الخيارات البسيطة والمباشرة، دي توليفة مميزة من البسبوسة أو الكنافة العثمانلية، بتنزل سادة أو بالمكسرات أو بالتشيز كيك.
اتعرفوا أكتر على منتجات سلطانة من خلال صفحتهم على فيسبوك من هنا.
سلطانة: الآيس كريم بيلعب “كنافة“
سلطانة السنة دي قررت تاخد الآيس كريم لمرحلة تانية خالص بلمسة شرقية مقرمشة وعملت..
ماما سبوت (790 جنيه): ميكس جبار من البسكوت الكرانشي مع صوص الشوكولاتة، الكنافة، والأيس كريم، والجديد إن “الغطاء” نفسه بيتاكل.
وين كيك (790 جنيه): لعشاق البراونيز، دي عبارة عن تشوكليت كيك مع كنافة وكريم وشوكولاتة ميلك، ومعاها صوص كراميل وأيس كريم، وعاملين متاهة لوضع صوص الشيكولاته عليها.
بيستاشيو بلاتر (850 جنيه): لو “الفستق” هو نقطة ضعفك، ده بلاتر غني بكريم الفستق والكنافة مع الأيس كريم المنعش.
اتعرفوا أكتر على منتجات سلطانة من خلال صفحتهم على فيسبوك من هنا.
نولا كب كيك: البقلاوة في توبها الجديد
نولا (NOLA) دايمًا بتلعب على وتر “الشياكة” في التقديم والطعم والسنة دي مخترعين..
النغشة (795 جنيه): اسم على مسمى، طبقتين بقلاوة محشيين كريمي تشيز بـ 3 أطعمة (شوكولاتة بيضاء، تمر مكرمل، وفستق).
كنافة مانجو ميلك تشيك (870 جنيه): تريش ليتشيس مع كريمة وكنافة “ترشها” بنفسك من فوق مع زجاجة مانجو فريش (وموجود منها حجم صغير بـ 250 جنيه).
تريس ليتشيس بقلاوة (750 جنيه): ميكس غريب بس عبقري بين طراوة الكيكة اللاتينية وقرمشة البقلاوة المصرية.
اتعرفوا أكتر على منتجات نولا من خلال صفحتهم على فيسبوك من هنا.
سيموندس: الأصالة لما تتكلم “دهب“
سيموندس (Simonds) بيحافظ على هيبته بلمسات فخمة وبسيطة في نفس الوقت باختراعات..
أرز الدهب (725 جنيه): رز بلبن بالقشطة والفانيليا، بس متدلع بـ “بيستاشيو كريم برليه” ولوز محمص، وعليه ورق الدهب.
الكراميلا (725 جنيه): كنافة كلاسيكية بطبقة غنية من الكراميل والمكسرات للي بيحبوا الطعم الصريح.
اتعرفوا أكتر على منتجات سيموندس من خلال صفحتهم على فيسبوك من هنا.
تورتينا: لما “الماتشا” تدخل المطبخ الشرقي
تورتينا (Tortina) السنة دي رايحة لحتة “مودرن” جداً ومختلفة بأصناف..
معمول كوكي دو (945 جنيه): ميكس بين عجينة المعمول التقليدية وكريمة البافاروا الناعمة مع صوص الفستق.
ماتشا كنافة (995 جنيه): “التريند” وصل للكنافة! قاعدة كنافة مخبوزة مع كريمة وفراولة فريش، وبتتسقي بصوص الماتشا الأخضر.
اتعرفوا أكتر على منتجات تورتينا من خلال صفحتهم على فيسبوك من هنا.
فويلا: للفخامة عنوان وقيمة
لو بتدور على حاجة “تقيلة” وتشرف في عزومة فخمة، فويلا (Voila) هو اختيارك بمنتجات..
بانانا لوتس (950 جنيه): طبقة أساسية من كريمة بروليه وعليها شرائح الموز الطازجة وكريمة بسكوف، والكراميل وتُختتم التجربة بطبقة مقرمشة من البندق المكرمل، وفتات الزبدة، واللوز المحمص.
روشيه ميلت (1200 جنيه): حواف رقيقة من كيكة الشوكولاتة الخالية من الدقيق، وقلبها محشي بـ4 أنواع شوكولاتة فاخرة “الكراميل الذهبية – البندق – البيضاء – الحليب” مع جوز البقان الزبداني وفتات البسكويت المقرمش.
ليالي أم علي (820 جنيه): بتجمع بين النكهات اليونانية والمصرية بمزيج غني وكريمي من الحلاوة الطحينية، ممزوج بالمستكة والفستق الحلبي، وفوقهم طبقة من الميل فوي الفاخرة، مع قرمشة زبدية على كل قضمة، مع طبقة آيس كريم علشان تدوقوا “أم علي” بشكل مختلف.
اتعرفوا أكتر على منتجات فانيلا من خلال صفحتهم على فيسبوك من هنا.
لابوار: “عشان الليل هيطول” والاختراعات تكمل
لابوار السنة دي قرر يلعب في منطقة “القوام” (Textures)؛ بين المقرمش والطري، والشرقي اللي واخد “تاتش” غربي عالمي:
متدلعة بقلاوة شوكولاتة (650 جنيه): انسوا المتدلعة التقليدية، دي طبقة بسبوسة فوقيها كريمة شوكولاتة غنية، ومغطاة بـ “كراست” بقلاوة شوكولاتة وفستق مرشوش. ميكس السكر فيه “مظبوط بالملي”.
المقرمشة (700 جنيه): الاسم لوحده حكاية. طبقة فادج شوكولاتة مع كريمة كراميل وسولتد كراميل، والطبقة اللي فوق “ليفل الوحش”: كنافة ميكس مع نوتيلا وعليها كرانشي فيوتين.
التمورة (450 جنيه): لمحبي الطعم الأصيل والراقي، كيكة بلح غرقانة صوص كراميل وكريمة، مع تشكيلة مكسرات (فستق، كاجو، لوز، عين جمل) وكروكان لوز محمص.
تشيز كاديه (825 جنيه): دي “التشيز كيك المقلوبة”. بسكويت كرامبل من بره، جواه كريمة تشيز وصوص كركديه (إضافة عبقرية لرمضان) وعليهم كروكان لوز.
بطاطا ميلفاي (475 جنيه): لو كنت فاكر الميلفاي سكر وبودرة بس، لابوار حشاه مكعبات بطاطا مكرملة مع كريمة باستري وكريمة بطاطا ناعمة.
اتعرفوا أكتر على منتجات لابوار من خلال صفحتهم على فيسبوك من هنا.
ايتوال: “نجم عالي” بأسعار حنينة
إيتوال السنة دي قرر يدلعنا بأسماء تخطف العين وطعم يجمع بين التراث والمودرن، والأهم إن أسعارهم “على قد الإيد” مقارنة بالسوق:
حمادة عزو (240 جنيه): الاسم لوحده “هوك”! عبارة عن طبقات ميلفيه هش مع باستري كريم وصوص فستق، ومتزينة بقطع فراولة فريش وفستق مجروش.
السكرية (215 جنيه): لعشاق كيك التمر، دي ميكس بين طراوة التمر وكريم تشيز، مع قرمشة بسكويت القرفة والبيكان والكراميل المملح.
ليالي المحروسة (385 جنيه): اختراع يجمع بين “الليدي فينجر” بتاع التيراميسو بس بروح مصرية؛ كريمة قشطة وكنافة محمصة وميكس مكسرات.
ليالي الحلمية (265 جنيه): توليفة تانية غنية بكيك التمر والبيكان والكراميل لزوم السهرات الرمضانية الرايقة.
اتعرفوا أكتر على منتجات ايتوال من خلال صفحتهم على فيسبوك من هنا.
يايا سويت: لمة رمضان مع حلو المزازة
السنة دي عاملين مجموعة من المنتجات المميزة اللي هتكمل سفرة رمضان بلمسة شرقية وابداع رمضاني.
كنافة سيجار (125 جنيه): أصابع الكنافة المحمصة المحشيه بخلطة يايا المميزة الطبيعية اللي هتديكم إحساس بالسعادة والطاقة ومغطاة بالشيكولاتة.
الكنافة الأفغاني (145 جنيه): بوله بتحتوي على طبقات الكنافة المحمصة مع خلطة يايا المميزة الطبيعية بإحساس السعادة والطاقة
بتتقدم مع الصوص الخاص.
بولة البشاميل (250 جنيه): بتتكون من طبقات من الكنافة المحمصة وكريمة الباستري والنوتيلا ومغطاة بصوص البشاميل الحلو، وفيه منها لفرد واحد بسعر 45 جنيه.
طاجن بسبوسة (55 جنيه): بسبوسه ساده بحشو قشطه مغطاه بصوص الفستق أو النوتيلا.
كب المزازة (45 جنيه): عبارة عن كنافة محمصة مع كريمة التشيز ومغطاه بصوص التمر الهندي وفيه منها بالكركديه والفستق.
اتعرفوا أكتر على منتجات ايتوال من خلال صفحتهم على فيسبوك من هنا.
