The Definitive Guide to Living in the Capital , Cairo , Egypt

مع كل زيارة لمنطقة وسط البلد أو شوارع القاهرة التاريخية، أكيد لاحظت إن فيه شغل كبير بيحصل في أماكن كتير من العاصمة. مباني بتترمم، ميادين بتتجدد، ومسارات جديدة بتتفتح بين معالم أثرية يمكن ناس كتير ما زارتهاش قبل كده.

الجديد المرة دي إن الدولة أعلنت استمرار خطة واسعة لإحياء القاهرة التاريخية والإسلامية والخديوية، بهدف تحويل “قلب القاهرة” إلى مزار مفتوح يجذب السائحين من مختلف دول العالم، وفي نفس الوقت يقدم تجربة مختلفة للمصريين اللي عاوزين يكتشفوا تاريخ مدينتهم من جديد.

إيه المقصود بـ”المزار المفتوح”؟

الفكرة مش مجرد ترميم مسجد أو تطوير شارع تاريخي، لكن إنشاء تجربة متكاملة تربط بين عدد كبير من المعالم الإسلامية والتراثية والأثرية في مسارات سياحية سهلة ومترابطة.

بمعنى إن الزائر يقدر يتحرك بين مجموعة من المواقع التاريخية في رحلة واحدة، من غير ما يحس إنه بينتقل بين أماكن منفصلة أو بعيدة عن بعضها.

مساجد وأضرحة ومعالم تاريخية بتستعيد بريقها

ضمن المشروع، بتستمر أعمال ترميم وإحياء عدد من المساجد والأضرحة التاريخية المهمة، في إطار الحفاظ على التراث الإسلامي والهوية الحضارية المصرية.

كمان بيتم تطوير المناطق المحيطة بالمعالم الأثرية وتحسين البنية التحتية والخدمات، بحيث تبقى الزيارة أسهل وأكثر راحة سواء للسائح أو للمصريين.

مسارات جديدة لاكتشاف تاريخ القاهرة

من أهم عناصر المشروع إنشاء مسارات سياحية متكاملة تربط بين المعالم التاريخية المختلفة، وده معناه إن زيارة القاهرة مش هتقتصر على الأهرامات أو المتحف المصري الكبير فقط، لكن هتمتد لاكتشاف طبقات متعددة من تاريخ المدينة الممتد لقرون طويلة.

وتضم القاهرة التاريخية مجموعة ضخمة من المواقع الأثرية، منها منطقة القلعة، وجامع أحمد بن طولون، ومنطقة الجمالية، ومنطقة الحسين، والفسطاط، والمناطق القبطية، وغيرها من المواقع التي تحكي فصولًا مختلفة من تاريخ مصر.

القاهرة الخديوية.. باريس الشرق تعود للحياة

بالتوازي مع تطوير القاهرة التاريخية، تستمر أعمال إعادة إحياء القاهرة الخديوية، التي اشتهرت قديمًا بلقب “باريس الشرق”.

وتشمل الأعمال تطوير عدد من أشهر مناطق وسط البلد، مثل ميدان طلعت حرب، وميدان مصطفى كامل، وشارع قصر النيل، مع الاهتمام بترميم المباني التراثية وتحسين الإضاءة وتنسيق المشهد العمراني بما يحافظ على الطابع التاريخي للمنطقة.

شارع الفن.. بداية جديدة لوسط البلد

ومن أبرز المبادرات التي ظهرت مؤخرًا مشروع “شارع الفن” في منطقة البورصة وشارع الشريفين بوسط القاهرة.

وشهدت الفعاليات عروضًا موسيقية وفنية وتراثية وورشًا للرسم والفنون التشكيلية، في خطوة تستهدف إعادة الحياة الثقافية إلى قلب العاصمة وتحويل الشوارع التاريخية إلى مساحات مفتوحة للفن والإبداع.

إيه اللي هيستفيده الزائر؟

لو نجحت الخطة بالشكل المستهدف، هتبقى القاهرة واحدة من المدن القليلة في العالم اللي تقدر تجمع في زيارة واحدة بين الآثار الإسلامية والقبطية واليهودية، والمباني التراثية الحديثة، والأنشطة الفنية والثقافية المعاصرة.

وده معناه فرص أكتر للخروجات المختلفة، سواء لعشاق التاريخ، أو التصوير، أو المشي في الشوارع التراثية، أو حتى حضور الفعاليات الثقافية المفتوحة في قلب المدينة.