The Definitive Guide to Living in the Capital , Cairo , Egypt

أفلام

أفضل 5 أفلام معروضة حاليًا في سينمات القاهرة

أفضل 5 أفلام معروضة حاليًا في سينمات القاهرة
    بواسطة
    Mohammed Sabry

    الفترة دي معروض في سينمات القاهرة شوية أفلام، حققت نسب مشاهدة عالية جدًا. فقولنا نجمع لكم أهم 5 أفلام منهم لازم تلحقوا تشوفهم قبل ما يتشالو:

    IT

    فيلم IT هو أقوى فيلم رعب في 2017 لحد دلوقتي. ولو بتحب الرعب، هتعيش أقوى ساعتين من  الرعب والإثارة. الفيلم مأخوذ عن قصة بنفس الاسم اتنشرت سنة 1986 للكاتب “ستيفن كينج”. واتعملت مسلسل قصير سنة 1990. وبيدور عن 7 أطفال بيوحدوا قواهم، علشان يواجهوا كيان شرير جي من عالم تاني، واخد شكل مهرج اسمه “بيني وايز”. هو المسؤل عن اختفاء الأطفال في مدينتهم.

     

    Kingsman: The Golden Circle

    لما المقر الرئيسي لمنظمة “كينجزمان” يتعرض لهجوم خطير. العملاء بيكتشفوا منظمة سرية تانية في الولايات المتحدة اسمها “ستيتسمان”. ومع بعض بيتحدوا علشان يوجهوا الخطر اللي بيهددهم.

     

    ?What Happened to Monday

    الفيلم من إنتاج شبكة نتفليكس. بتدور أحداثه في المستقبل، لما الزيادة السكانية بتشكل خطر على المجتمع، والحكومة بتقرر تحدد عدد طفل واحد لكل عائلة. بس “تيرانس سيتمان” بيخلف سبع توائم، ويقرر إنه يخليهم يعيشوا بشخصية. لكن لما واحدة منهم بتتكشف، بتبدأ سلسلة من الأحداثة الخطيرة لباقي إخواتها. ونحب نطمنكم، الأحداث مالهاش أي علاقة بفيلم “كده رضا” 😉 .

     

    The Hitman’s Bodyguard

    أي حارس خاص بتكون مهمته واحدة ومحددة، وهي حماية العميل بتاعه. لكن لما يكون الحارس ده هو “رايان رينولدز”، العميل ده هو “سامويل إل جاكسون” أهم قاتل مأجور في العالم.. يبقى هنقضي أجمد ساعتين من الكوميديا والضحك في حياتنا.

     

    Logan Lucky

    اتعودنا على “دانيال كريج” في دور العميل 007 “جيمس بوند” المشهور، لكن المرة دي هنشوفه وهو حرامي، وبينفذ مع أخوه أكبر عملية سرقة في شمال كارولينا. خلال سباق سيارات “ناسكار”. وطبعًا بيحاولوا يهربوا من الـ FBI.

    يا ترى هتبدأوا بإيه؟ وماتنسوش، تقدروا تعرفوا الجديد في الأفلام من هنا.

    مقترح