The Definitive Guide to Living in the Capital , Cairo , Egypt

أفلام

أهمهم الثقة بالنفس والشجاعة.. 5 دروس اتعلمناهم من فيلم Soul

Soul دروس من فيلم Soul ديزني فيلم سول مشاهدة فيلم
أهمهم الثقة بالنفس والشجاعة.. 5 دروس اتعلمناهم من فيلم Soul
    بواسطة
    Mohamed Talaat

    السعي وراء الشغف أو “الشرارة”، هي الفكرة الرئيسية التي بيتناولها فيلم “Soul”، اللي قدمته لنا شركة ديزني العالمية في 2020، واللي أخد صدى كبير ونجح في أنه يجذب ملايين المشاهدين. بتدور أحداث الفيلم حول عالمين، بشري وروحي، والفيلم بيسلط الضوء على مفاهيم فلسفية زي الوجود الإنساني والموت والحياة، وخلال السطور اللي جاية هنقول لكم على 5 دروس اتعلمناها من الفيلم، بيشرحها الناقد الفني محمود عبد المنعم مؤسس صفحة Cinemabox.

    1- اشتغلوا في المجال اللي بتحبوه. لو بتحبوا الكتابة اكتبوا القصص، ولو بتحبوا الرسم ارسموا لوحة فنية، ولو بتحبوا الموسيقى اتمسكوا بيها، لأن الشغف مع الموهبة هتهون كتير من التعب.

    2- اتمسكوا بالفرص الثانية في حياتكم، وبلاش تستسلموا مهما حصل، لأن الحياة بتدينا فرص مرة واحدة كتير، لكن مش دايمًا بتدينا فرص تانية، فلازم نستغلها صح.

    3- الحوار له قيمة كبيرة فلازم نسمع الآخر للنهاية ونبادله نفس الاهتمام، لأن الأمر ده بيعمق العلاقات الاجتماعية وبيخلينا نتفاعل مع الأشخاص اللي حوالينا فى حياتهم اليومية.

    4- هتقابلوا في حياتكم ناس كتير بتبعدكم عن طريق النجاح اللي بتمشوا فيه، لكن الفيلم هيعلمكم التمسك بحقكم في التجربة وأنكم تكملوا مشواركم في الحياة طالما مش بتؤذوا المحيطين بكم وتسعوا أنكم تخرجوا فائزين بأي طريقة.

    5- لازم نتعلم الشجاعة في مواجهة الآخرين، وندافع عن رأينا لكن من غير ما نسبب أذى لأي حد مختلف معانا في الرأي، المهم يكون عندنا الجرأة والشجاعة للمواجهة والإعلان عن رأينا بموضوعية.

    مقترح