The Definitive Guide to Living in the Capital , Cairo , Egypt

أفلام

سبعة من أقوى أفلام العصابات.. لو ماشفتهمش يبقى فاتك كتير

Gangs of New York Gangster Squad Heat Legend Public Enemies Road to Perdition أفضل الأفلام أفلام حلوة أفلام عصابات أفلام لازم تشوفها
سبعة من أقوى أفلام العصابات.. لو ماشفتهمش يبقى فاتك كتير
    بواسطة
    Mohammed Sabry

    لكل نوع من الأفلام عشاق ومعجبين. فيه اللي بيحب الرومانسي، الأكشن، الكوميدي، الرعب، وغيرهم. وفيه اللي بيحب أفلام العصابات والجريمة. النوعية دي أتعمل منها أفلام كتيرة ومميزة، أشهرهم طبعًا سلسلة “The Godfather”. وفي المقال ده جمعنا لكم عدد من أفلام الجريمة اللي عجبتنا بشكل شخصي، وحبينا نشاركها معاكم، هنعرفكم كمان تقييم الأفلام دي على موقع IMDB.

    Gangster Squad

    1949، لوس أنجيليس بيسيطر عليها المجرم الخطير “ميكي كوهين” – بيعلب دوره (شون بين) – اللي جه المدينة علشان يقود كل العمليات الإجرامية، بعد ما دفع فلوس كتير للقضاة ورؤساء الشرطة. لكن الرقيب “جون أومارا” – بيلعب دوره (جوش برولين) – قرر يحط نهاية لـ “كوهين”، وبيجمع فريق من ضباط البوليس علشان يقضوا على إمبراطور الجريمة في الولاية.

    تقييم الفيلم: 10/6.7

     

    Legend

    لندن بتعيش أكتر الفترات دموية في الستينيات، لما التوأم “روني وريجي كراي” – بيلعب الدور (توم هاردي) – بيرأسوا عالم الجريمة فيها. مع محاولات البوليس الفاشلة إنه يقبض عليهم. لكن الخطر بيزيد لما “روني ” بيستعمل العنف علشان يحافظ على الإمبراطورية بتاعتهم، في الوقت اللي “ريجي” بيحب الجميلة “فرانسيس” ويبعد عن أخوه.

    تقييم الفيلم: 10/7

     

    Public Enemies

    سارق البنوك الشهير “جون ديلينجر” – بيلعب دوره (جوني ديب) – بيعيش أفضل أوقاته في الثلاثينيات في شيكاغو. هو اللي بيدير العالم السفلي في المدينة، وبدون أي خوف من السلطات. بس الوضع بيتغير لما بيظهر عميل الـ FBI “ميلفين بورفيس” – بيلعب دوره (كريستيان بيل) – اللي بيستخدم كل السبل المتاحة، علشان يقضي على أسطورة “ديلينجر” نهائيًا. يا ترى هيقدر؟

    تقييم الفيلم: 10/7

     

    Gangs of New York

    بعد 16 سنة من مقتل أبوه، الشاب الأمريكي الأيرلندي “أمستردام فالون” – بيلعب دوره (ليوناردو ديكابريو) – بيرجع لمنطقة فايف بوينتس. علشان ينتقم من القاتل “بيل كتنج ذا بتوشر” – بيلعب دوره (دانيال داي لويس) – في الستينات من القرن الـ 19. لما كان “ذا بوتشر” مسيطر على المنطقة اللي كلها جرائم ودعارة وسرقة. والحرب الأهلية الأمريكية كانت في شدتها. شاب غريب بيواجه زعيم عصابة، في بلد بتحكمها العصابات والدم والعنف.

    تقييم الفيلم: 10/7.5

     

    Road to Perdition

    “مايك سوليفان” – بيلعب دوره (توم هانكس)- هو اللي بينفذ كل عمليات القتل الخاصة بزعيم عصابات شيكاغو في الثلاثينيات “جون روني”. لكن لما ابن “سوليفان” بيشوف أبوه وهو بينفذ واحدة من العمليات دي، “روني” بيقرر يقتل عائلته كلها. وهنا بتبدأ الأطراف المتصالحة تتقلب ضد بعضها. لما “سوليفان” بيعمل المستحيل علشان يحمي ابنه، حتى لو على حساب حياته شخصيًا.

    تقييم الفيلم: 10/7.7

     

    Heat

    فريق من المجرمين بيقودهم “نيل ماكولي”- بيلعب دوره (روبرت دينيرو) – بيقعوا في غلطة في آخر عملية لهم، بتخلي المحقق “فينسنت هانا” – بيلعبه (آل باتشينو)- يقرب من القبض عليهم. مطاردة خطيرة بيكون بطلها شرطي ومجرم أخطر من بعض. وحياة كل واحد فيهم تشبه كتير لحياة التاني. يا ترى هتنتهي إزاي؟

    تقييم الفيلم: 10/8.2

     

    The Departed

    شرطة ولاية بوسطن بتبدأ حرب قوية، على منظمة إجرامية خطيرة. الشرطي المتخفي “بيلي كوستيجان” –بيلعبه (ليوناردو ديكابريو)- بينضم للعصابة اللي بيقودها “فرانك كاستيلو” – بيلعب دوره (جاك نيكلسون)- وفي نفس الوقت بينضم المجرم “كولين سوليفان” – بيلعبه(مات ديمون)- للشرطة. وكل واحد فيهم بيحاول يكشف تحركات الفريق التاني. وبتتصاعد الأحداث لما كل فريق يعرف إن في خاين وسطهم.

    تقييم الفيلم: 10/8.5

     

    مقترح