The Definitive Guide to Living in the Capital , Cairo , Egypt

لما تقدم 3 أجزاء من سلسلة أفلام ناجحة وتستعد لتقديم الجزء الرابع من نفس السلسلة، بتكون قدام ميزة وعيب، الميزة هي الجمهور اللي معجب بالأجزاء السابقة ومتشوق يشوف الجزء الأخير، وده يضمن نجاح كبير للجزء الأخير.

العيب بقى إن الجزء الأخير لازم يكون قوي جدًا علشان شايل مسئولية الأجزاء السابقة كلها، وده اللي ماقدرش عليه Ip Man 4.

فيلم Ip Man 4 بيحكي عن رحلة مُعلم “بروس لي” أسطورة القتال الصينية، علشان يفهم أبعاد المشكلة اللي تسبب فيها تلميذه في الولايات المتحدة الأمريكية، وعلشان يكتشف إن العنصرية موجودة في كل مكان في العالم بس مع اختلاف الأشخاص.

الممثل “ووك وان تشان” اللي قام بدور “بروس لي” قدر يقدم أداء أكثر من رائع، ومع خبرة المخرج “ويلسون ييب” في توجيه الكاميرا حسينا إننا بنشوف “بروس لي” تاني فعلاً، لكن على ناحية تانيه السيناريو للأسف ماسمحش بمساحة كبيرة للشخصية علشان تقدم كل أبعادها على الشاشة.

أما الأداء الأروع فكان من نصيب “دوني ين” اللي قدر يقدم أداء تمثيلي ممتاز جدًا، لكن برده السيناريو والقصة اللي قدمها “إدموند وونغ” الفيلم كان أقل بكتير من الأجزاء السابقة.

حتى المشاهد القتالية نفسها كانت أكتر من رائعة لكن برضو أضعف من الأجزاء السابقة.