The Definitive Guide to Living in the Capital , Cairo , Egypt

الحياة في كايرو

أبراج على الطراز الأوروبي.. 7 معلومات عن مشروع تطوير مثلث ماسبيرو

تطوير القاهرة تفاصيل تطوير مثلث ماسبيرو مشروع تطوير مثلث ماسبيرو معلومات عن مثلث ماسبيرو وسط البلد
أبراج على الطراز الأوروبي.. 7 معلومات عن مشروع تطوير مثلث ماسبيرو
    بواسطة
    Mohamed Talaat

    لو كنت بتعدي من وسط البلد، أكيد هتكون لاحظت الشغل اللي بيحصل في منطقة مثلث ماسبيرو، اللي ورا مبنى الإذاعية والتليفزيون بكورنيش النيل.. لكن هل تعرف إيه هي تفاصيل المشروع ده؟ في السطور الجاية هنعرفكم أكتر على مشروع تطوير مثلث ماسبيرو من خلال 7 معلومات فيهم الخلاصة.

    1 – بحسب تقرير حديث نشره موقع اليوم السابع فالمرحلة الأولى من مشروع تطوير مثلث ماسبيرو قربت تنتهي، ومن المقرر يتم تسليم الوحدات السكنية للسكان الراغبين فى العودة خلال العام الجارى 2022، وهتكون كاملة التشطيب والمرافق.

     2 – بيتم حاليًا تشطيب الواجهات الخارجية للأبراج، بالتزامن مع تشطيب الوحدات السكنية علشان يتم تسليمها للسكان كاملة التشطيب، وهيتم دعم الوحدات بأنظمة إطفاء مكافحة الحريق، وحاليًا بيتم مد شبكات حريق بكامل الأبراج هتشمل الوحدات السكنية، وكمان هيتم تنفيذ لاند سكيب بمداخل المشروع.

    3 – حاليًا تم تنفيذ 9 أبراج، 4 منها بتطل على شارع 26 يوليو و3 أبراج بتطل على كورنيش النيل و2 بتطل على شارع الجلاء، وهيتم استكمال البناء في باقي المساحات المتبقية في الفترة الجاية.

    4 – تم تشطيب 60% تقريبًا من الوحدات السكنية المخصصة للسكان الراغبين في العودة – الإسكان البديل – وجاري تشطيب الوجهات، وفي الفترة الجاية هيتم الانتهاء من اللاندسكيب ومقاعد الجلوس وأعمدة الإنارة وكمان شبكات الصرف الصحي والمياه.

    5 – الشقق بيتم تشطيبها بخامات عالية الجودة، وفيها نظام مقاومة الحريق بالكامل، وتم توصيله لكل الوحدات السكنية، بتكلفة 40 مليون جنيه على أعلى مستوى، بالإضافة إلى اللاند سكيب اللي بيعكس الواجهة الحضارية للمشروع، وهيشمل زراعة أشجار وتوزيع عدد من البرجولات ومقاعد للجلوس وأماكن انتظار.

     6 – بيتضمن مخطط إنشاء مشروع تطوير مثلث ماسبيرو أبراج فندقية وسكنية وتجارية وإدارية وترفيهية وسياحية، وبتوصل الأبراج لـ30 دور.

    7 –هيتم إنشاء الأبراج السياحية والفندقية فى المنطقة اللي بتقع على النيل وخلف مبنى ماسبيرو، أما الناحية الغربية من المشروع فتم تخصيصها للإدارية والتجارية، ووسط المشروع هيكون عبارة عن منطقة ترفيهية، وده بتكلفة استثمارية بتوصل لـ10 مليارات جنيه.

    مقترح