The Definitive Guide to Living in the Capital , Cairo , Egypt

الحياة في كايرو

أحدثهم خدمة “جو باص”.. 4 طرق آمنة لتحويل الأموال داخل مصر

البريد المصري البنوك تحويل فلوس جو باص محافظ محمول
أحدثهم خدمة “جو باص”.. 4 طرق آمنة لتحويل الأموال داخل مصر
    بواسطة
    Mohamed Talaat

    في أوقات كتير بنكون محتاجين نحول فلوس داخل مصر لناس تانية وتوصل بسرعة، سواء كانت عملية التحويل شخصية أو للعمل، وأشهر الطرق دي هي التحويلات سواء عن طريق البريد أو البنك. خلال السطور الجاية هنقولكم على 5 طرق آمنة تقدروا من خلالها تحولوا فلوسكم لأي حد أو مكان داخل في مصر.

     

    البريد المصري

    تقدروا من خلال البريد المصري تحولوا أي مبلغ لشخص آخر، كل اللي عليكم أنكم تروحوا أقرب مكتب بريد ومعاكم بطاقة رقم قومي سارية، وتكونوا متأكيد كمان إن الشخص اللي هتحولوا له الفلوس معاه بطاقة سارية وتكونوا عارفين طبعًا رقم تليفونه، ولازم تتأكدوا من بيانات الشخص اللي هتحولوا له الفلوس كويس “الاسم، العنوان، رقم التليفون”، وبيقدر الشخص يسحب الفلوس من أي مكتب بريد في الجمهورية.

    البنوك

    من خلال أي بنك تقدروا تحولوا فلوسكم لشخص آخر سواء عن طريق الذهاب للبنك ومعاكم رقم قومي ساري وبيانات اللي هيستلم، أو من خلال الخدمات البنكية الإلكترونية المتوفرة حاليًا في كل البنوك، وبتحددوا فرع الاستلام علشان الشخص يقدر يستلم فلوسه منه، مع العلم أن فيه بنوك مش بتشترط فرع محدد وبتستلموا من أي فرع.

    محافظ المحمول

    من خلال خدمات شركات الاتصالات زي فودافون، اتصالات أورانج، كل اللي عليكم تفعلوا الخدمة من أي فرع للشركة التابعين لها، ويكون صاحب الخط سواء اللي هيبعت أو اللي هيستلم باسم العميل، ومايكونش عندكم أكثر من 3 محافظ سواء بنكية أو لشركات المحمول، وبتودعوا من خلال الفرع الأقرب لكم أو من أي خدمة إلكترونية زي فوري مثلُا المبلغ اللي عاوزين تبعتوه للرقم المطلوب الإرسال له، ويقدر الشخص المستلم ببطاقته استلام فلوسه من أي فرع قريب منه.

    جو باص

    شركة جو باص للنقل بتوفر خدمة تحويل الأموال بين الفروع بتاعتها اللي منتشرة في معظم أنحاء الجمهورية، وده عن طريق التوجه لأي فرع لهم وبتطلبوا تحويل الأموال، وبيكون معاكم بطاقة رقم قومي سارية وبتملوا بيانات المستلم وبتحددوا فرع الاستلام ويقدر المستلم يستلمها فورًا.

    مقترح