The Definitive Guide to Living in the Capital , Cairo , Egypt

الحياة في كايرو

الافتتاح في الأسبوع الثاني من مارس.. 7 معلومات عن معرض زهور الربيع 2021

حديقة الأورمان زهور الربيع 2021 معرض الزهور معرض زهور الربيع موعد معرض زهور الربيع نباتات زينة
الافتتاح في الأسبوع الثاني من مارس.. 7 معلومات عن معرض زهور الربيع 2021
    بواسطة
    Mohamed Talaat

    بعد ما كان مفترض يتم افتتاحه أول شهر مارس 2021، أكد الدكتور علاء عزوز رئيس قطاع الإرشاد الزراعي بوزارة الزراعة واستصلاح الأراضي لـ “كايرو 360” إن موعد إقامة معرض زهور الربيع في نسخته رقم 88، هيكون في الأسبوع الثاني من مارس في مكانه بحديقة الأورمان النباتية بالجيزة.

    وبحسب “عزوز” هيتم خلال أيام الإعلان عن اليوم المحدد اللي هيتم فيه افتتاح المعرض بشكل رسمي، وذكر إن التأجيل هدفه التواصل مع أكبر عدد من العارضين للمشاركة في المعرض وإن ده هيكون في مصلحة الزوار.

    ومعرض زهور الربيع من الحاجات المبهجة اللي بتحصل كل سنة في مصر، وهو بيكون مع بدايات دخول فصل الربيع، وبتنظمه وزارة الزراعة، والسنة دي في دورته الـ88 هيضم كل أنواع النباتات والزهور بمختلف الأحجام والأسعار.

    تعالوا نتعرف أكثر على معرض زهور الربيع 2021 من خلال 7 معلومات مهمة فيهم الخلاصة.

    1- الموعد المتوقع لافتتاح معرض زهور الربيع السنة دي هيكون في الأسبوع الثاني من شهر مارس 2021 وهيستمر لمدة 45 يوم.

    2- المعرض هيضم حوالي 200 عارض من الشركات العاملة في مجال النباتات والطيور والحيوانات وعسل النحل وغيرهم.

    3- الأسعار للنباتات والزهور هتبدأ من 5 جنيه.

    4- هتلاقوا في المعرض أشهر وأندر أنواع النباتات والزهور والورود والصبارات اللي أكيد هتناسب كل الأذواق.

    5- المعرض هيقام في حديقة الأورمان اللي موجودة بجوار جامعة القاهرة في الجيزة.

    6- هيكون فيه منطقة للعب الأطفال وكافيهات ومطاعم داخل المعرض.

    7- سعر تذكرة الدخول للمعرض 5 جنيهات.

    مقترح