The Definitive Guide to Living in the Capital , Cairo , Egypt

الحياة في كايرو

أمان: مبادرة جديدة مبتكرة لمحاربة التحرش الجنسي في القاهرة

أمان: مبادرة جديدة مبتكرة لمحاربة التحرش الجنسي في القاهرة
بواسطة
Hend Salah

 

تقريبًا التحرش في مصر بدأ من فجر التاريخ، والحكاية مستمرة. يمكن شوفنا ظهور كثير من المبادرات اللي عملت حملات توعية بخطورة التحرش وسلطت الضوء عليها، لكن لسه بنشوف التحرش منتشر في مجتمعنا وخطره بيزيد يوم بعد يوم.

حالات التحرش في عيد الفطر 2016 كانت كثيرة، ومن هنا ظهرت مبادرة جديدة لمقاومة المشكلة اللي بيعاني منها شعب مصر.

مبادرة "أمان" من أجدد مشروعات مركز مساواة للتدريب والاستشارات، واللي هدفها وضع حلول للمشكلة من جذورها. أجندة المبادرة جاهزة فعلًا ومن المقرر يعلنوا عنها قبل عيد الأضحى، وكمان مبادرة أمان بتحاول تحمي السيدات المصريات من العنف والعنصرية.

التحرش الجنسي تطور السنين اللي فاتوا، وعدى من مرحلة المعاكسات في الشوارع للتحرش على الإنترنت كمان، ومن هنا كانت فكرة المبادرة وهي نشر الوعي على مواقع الإنترنت وشبكات التواصل الاجتماعي وبين الناس والمؤسسات عمومًا في محاولة لخلق بيئة آمنة للسيدات. يمكن الكلام فيه نظرة مثالية زيادة، وأكيد مش هيقدروا يحققوها بين يوم وليلة، بس الأمل هو أول خظوة على طريق التغيير.

طيب، إزاي هيحققوا أهدافهم؟ مبادرة أمان مقسومة 3 أجزاء؛  متابعة وتحليل طريقة تعامل الإعلام المصري مع القضية وهل في اهتمام حقيقي بالقضية وكل جوانبها، وبعدين تبدأ المبادرة في تقديم محتوى إعلامي شامل لمساندة المرأة في رحلة تحقيق حلمها بالحياة في مجتمع مفيهوش تحرش وتشجيعهم على الدفاع عن حقوقهم.

مبادرة أمان في خطتها طويلة المدى لنشر الوعي في كل مصر هتزور عدد من المحافظات وبتتعاون مع مؤسسات لتطوير وعي المجتمع وخصوصا الرجال بخطورة القضية، ومن هنا يقدروا يعالجوا المشكلة من جذورها ونتخلص من  الأسطورة اللي بتقول إن مشكلة التحرش سببها ثقافتنا!

المسؤلون عن مبادرة أمان على ثقة إن لو رجال مصر حصلوا على التوعية المناسبة وتم تشجيعهم على الالتزام بالقوانين اللي بتجرم التحرش هنقدر فعلا نتخلص من المشكلة للأبد.

المبادرة هتنشر حملات مكثفة على شبكات التواصل الاجتماعي لتعليم مستخدمي الانترنت التعرف على أشكال التحرش الالكتروني وطريقة مواجهته.

اعرفوا معلومات أكثر عن مبادرة أمان من هنا.

 

مقترح