The Definitive Guide to Living in the Capital , Cairo , Egypt

الحياة في كايرو

أهمها المتحف الجيولوجي.. 4 متاحف في القاهرة لعشاق العلوم

الجيولوجي العلوم قصر العيني كلية الطب متحف نجيب محفوظ
أهمها المتحف الجيولوجي.. 4 متاحف في القاهرة لعشاق العلوم
بواسطة
Mohamed Talaat

القاهرة مليانة أماكن مميزة، بس عاوزة اللي يدور واللي يهتم، في السطور الجاية هنعرفكم على 4 متاحف علمية في مصر، أكيد هتعجب عشاق العلوم.

متحف القصر العيني

المتحف ده تابع لكلية الطب، جامعة القاهرة، واقتتح على مرحلتين في 1998 و1999، وفيه مقتنيات طبية وأثرية مهمة، وهو من الواجهات الناصعة لتاريخ الطب في مصر، وفيه أدوات طبية من عهد محمد علي، وكمان وثائق ومواد علمية ثمينة وفريدة، ومجموعة لوحات زيتية، ووثائق أصلية مكتوبة بخط اليد، وصور فوتوغرافية، وتماثيل برونزية، ومخطوطات طبية، وكتب نادرة.

المتحف موجود في كلية طب القصر العيني، المنيل، القاهرة.

متحف العلوم

المتحف افتتح في عهد الرئيس الأسبق جمال عبد الناصر، عام 1960، وفيه أقسام مختلفة زي “ري، وهيدروليكا، والكيمياء الأساسية والصناعات، وعلوم جيولوجية، وعلوم بيولوجية، والفيزياء، والفضاء، والأرصاد الجوية، والطاقة الذرية، والإذاعة والتليفزيون”.

المتحف موجود أمام مبنى القصر العيني  القديم.

متحف الدكتور نجيب محفوظ

دا تم انشاؤه في قسم النساء والتوليد بكلية طب جامعة القاهرة، وافتتح عام 1929، على إيد الدكتور نجيب محفوظ، رائد طب النساء والتوليد، وتم تجديده عام 2018، وفيه 1300 عينة نادرة لأمراض النساء والتوليد، وحاليًا بيعرض للجمهور 300 عينة بعد تجديد المتحف وجاري العمل على تجهيز باقي العينات لعرضها.

المتحف الجيولوجي

هو الأول من نوعه في الشرق الأوسط، وهو موجود على كورنيش المعادي، وافتتح رسميًا للجمهور عام 1904، وبيعرض صخور ومعادن وحفريات، وكمان فيه حفريات لحيوانات فقارية ثديية، وأول حفرية عرضت فيه كانت لحوت مائي وكمان هيكل عظمي لحوت آخر، وفيه صالة لعرض الصخور، وصالة الحفريات الفقارية، وصالة الحفريات اللافقارية.

مقترح